Fal’ Yangren

Yul’yul’ ko Mich Roraed

Ke yoeg President Monson ba yaat ni mornga’agen ta’areb e tabinaew me arame yoeg e thin rok President George Albert Smith: “Gara paer ni gaeb yul’yul’ ko mich rok e tabinaew rom ni kakrom? … Mu athamgil ni ngam yul’yul’ ni fan ko gubin e miligach [ni kar] ngongliyed ni fan ngom.” Demtrug ko ba’ bee’ u tabinaew rom ni kakrom nib pioneer fa gur e somm’on e chonggin e Galasia, ma gama sap ko wo’en e mich ni fan ko kanawo’ nge gelngiy? Ba’aray e kanawo’ nib mangil ni rayog ni nge tabab:

1. Yoloey fithngan e gidii’ ni yaed ba ga’fan ngom. Rayog ni ngar manged e chonggin e tabinaew rom (kafram fa chiney), tafagar, pi toygang’ ko Galasia, fa gidii’ u lan fapi chep nib thothup.

2. Yoloey nga but’ e pin’en ni ba’ roraed ni gaba adag. Ma nina’ rom e ba guman’? Sana fagar rom e ba gol ngak boech e gidii’. Sana gaba adag e athamgil rok Captain Moroni.

3. Mel’eg ta’areb ban’en ko n’en nikam yoloey ma fithem, “Urogon ni rayog ni ngeyog e biney ngog? Mang e ba tu’uf ni nggu rrin’ ngeyog e biney u lane yafas rog?”

4. Mu yoloey nga but’ e pi tunom rom ni fan e biney ni nge yaeg ngom mag ta’ nga biyang ni rayog ni ngam gu’ ni gubin e rran, ni nge pogran ngom ko gol rom. Muning e ayuw ngak e Chitamangdaed nu bay u Tharmiy u lane meybil mag gu’ rogon ni gabe rrin’. Napan ni gara thamiy ni keyog e biney ngom, ma rayog ni ngam mel’eg reb nib bi’ech ni ngam murwel ngay.

Tafneyem ni napan ni gadaed ra thapeg e pin’en nib mangil rodaed, ma gathi kemus ni gadaed be ta’ fan e mich rok e gidii’ rodaed ni kakrom nge miligach nib kar rrin’ed, machane ka rayog ni ngad manged bee’ nib mangil ngak e picha’an nib liyeg daed.