Mulwol ni Ngan Fil ni Ngan Nang, July 2016
N’en ni Gadaed ba Cheg riy ko Galabthir
U fithik e meybil mu biy’eg tiney nge lemnag mang t’uf ni ngam machib. Urogon ni kan nangfan “Fare Tabinaew: Mulwol Ni Yan ko Fayleng” e ra ga’ nang fare mich rom ngak Got nga fapi tawa’ath rok u daken fapi cha’ ni gama guy ko ngiyal’ ko mulwol rom? Ra tin ni ga ba adag ni ngam nang, man ko reliefsociety.lds.org.
Mich, Tabinaew, Ayuw
“Baga’ fan ni pifaak Got e ngan gargel nag me yag kanawo’en nibe sar ko yafas nib manemus,” nike fil Elder Dallin H. Oaks ko fare Ulung ko fare Ragag nge L’agruwi Apostle. “U lane tamilang ko fan ko fare tunom ko falfalen’ nib mangil, ma ba mich u wun’ug ni pi tawa’ath nib falel’ u dakean e fayleng nge tharmiy e bitir rodaed nge bitir ko bitir rodaed.”1
Elder Neil L. Andersen ko fare Ulung ko fare Ragag nge L’agruwi Apostle e ga’ar:
“Mich u wan’ daed ko tabinaew, ma mich u wan’ daed ngak e bitir …
“‘… Ke ga’ar Got ngak [Adam nge Eve], Mu diyen gow nge yo’or pifakmew, nge wear e pi’in owchemew, nga gubin yang u fayleng’ [Genesis 1:28]. …
“Biney e motochiyel e daworni pagtilin fa ni ta’ nga orel u lan Fare Galasia ku Yesus Kristus ni fan ko Gidii’en Got ko tin Tomur e Rran.”2
Demtrug ni gathi gadaed gubin ni gadaed ra mang e galabthir u lane biney e yafas, ma rayog ni ngad ayuwegned e bitir ni demtrug yangren. Gadaed be falfalen’ ko pi tawa’ath ni gadaed bang ko tabinaew rok e Chitamangiy ni bay u Tharmiy, ma gadaed be yaen u fithik e falfalen’ nge pi magawon ni ngan mang bang ko tabinaew u fayleng. Ma ngak boech oren, ma ngan mang e galabthir e be soen nag raed u lane manemus ni ba yib.
Ku Reb e pi Chep nib Thothup
Yaat nib Riyul’
“Bo’or e lunguy u fayleng e daba’ e be chuweg e n’en nib ga’fan ko bitir ni ngan faka’ fa ni soen fa ni museg urngin e bitir u lane tabinaew,” e yoeg Elder Andersen. “Pi ppin ni fakag e kar yoeged ba blog ngog nike yoloey ba nina’ nib Kristiano (ni gathi bee’ ko mich rodaed) ni ba’ laal e bitir rok. Ke ga’ar: “[Kug ilal] u lane biney e yilen, ma rib momaw’ ni nggu sap ko babyor nib thothup ni mornga’agen e nina’. … Bitir e ma palog nigey ko college. Dabyog ni ngan chuur. Dabyog rogon ni ngan yaen ko fafal ni balayal’ ko rogon ni gabadag. Dabyog rogon e dowef rom ko gym. Gubin e murwel ni rayog fa mu athapeg ni ngam thapeg’. Ma arame tabab: ‘Nina’ e gathi ban’en ni kemus ni yima rrin’, ya ba muruwel. Da nima kunuy e bitir ni bachane gabe pir’eg raed nib fal’ ya’an raed ko stamp. Gathi ban’en ni ngan rrin’ fa’anra rayog ni ngam rrin’ u lan ta’abochi ngiyal’. N’en nike pi’ Got ngom.”’3
© 2016 by Intellectual Reserve, Inc. All rights reserved. Kan yoloey u Meriken. Kan micheg nag ko thin nu Ngalis: 6/16. Micheg nag i pilyeg: 6/16. Pilyeg thin ko Visiting Teaching Message, July 2016. Yapese. 12867 905
Mu Lemnag ko Pin’ey
U rogon kanawan e tabinaew u fayleng e boed rogon e tabinaew rodaed u tharmiy?