Visiting Tijing Mesej, Julae 2016
Fasin blong Save Kam Olsem Wan Papa o Mama
Stadi long toktok ia wetem prea mo luklukgud blong save wanem blong serem. ?Olsem wanem nao “Famle: Wan ofisol toktok i go long wol” i leftemap fet blong yu long God mo blesem olgeta we yu stap lukaotem olgeta tru long visiting tijing? Blong kasem moa infomesen, go long reliefsociety.lds.org.
Fet, Famle, Help
“Hem i impoten se ol spirit pikinini blong God oli kasem wan bodi blong mit mo bun mo gat wan janis blong muv fored kasem laef we i no save finis,” Elda Dalin H. Oks blong Kworom blong Olgeta Twelef Aposol i bin tijim. “Wetem tingting ia blong bigfala plan blong glad, mi bilif se ol stret gol mo silva long wol ia mo long heven hem i ol pikinini blong yumi mo ol laen blong yumi.”1
Elda Nil L. Andesen blong Kworom blong Olgeta Twelef Aposol i bin talem se:
“Mifala i biliv long ol famli, mo mifala i biliv long ol pikinini. …
“‘… God i talem long [Adam mo Iv], I gud yutufala i gat plante pikinini blong yutufala, blong olgeta we bambae oli kamaot biaen long yutufala bambae oli save go stap long olgeta ples long wol.’ [Jenesis 1:28]. …
“Komanmen ia oli no bin fogetem o putum i go long saed insaed long Jos blong Jisas Kraes blong Ol Lata-dei Sent.”2
I nomata se bae i no evriwan long yumi bae i kam ol mama o papa long laef ia, yumi save lukaotem ol pikinini blong evri yia, bigwan kasem smolwan. Yumi harem gud long ol blesing blong stap olsem pat blong famli blong Papa long Heven, mo yumi fesem ol gudtaem mo hadtaem blong stap olsem pat blong wan famli long wol ia. Mo blong plante long yumi, fasin blong kam olsem wan papa o mama i stap wet long yumi long taem ia we i no save finis.
Sam Moa Skripja
Ol Stori we Oli Tru
“Plante voes long wol tedei i tok daonem from wanem i impoten blong gat pikinini o givim ol tingting blong nogat pikinini hariap o limitim namba blong pikinini insaed long wan famli,” Elda Andesen i talem. “I no longtaem i pas, ol gel blong mi oli soem long mi wan stori long intanet we wan Kristin mama i raetem (hem i no blong Jos blong yumi) we hem i gat faef pikinini. Hem i talem se: ‘[Blong stap gro] i kam antap long kalja ia, hem i had tumas blong kasem lukluk long saed blong baebol long fasin blong stap olsem wan mama. … Ol pikinini oli kam laswan bitim kolej. Oli kam laswan bitim blong travel raon long wol, hemia i tru. Oli kam laswan bitim blong go aot long naet blong gat wan gud taem. Oli kam laswan bitim blong go eksesaes long jim blong mekem bodi blong yu i luk naes. Oli kam laswan bitim eni wok we bae yu gat o hop blong kasem.’ Afta hem i ademap: ‘Fasin blong kam wan mama hem i no wan samting nomo we yu laekem blong stap mekem oltaem, hem i wan koling. Yu no go mo pikimap ol pikinini ia from se oli naes bitim ol stamp. Hem i no wan samting we bae yu mekem nomo sapos yu gat taem. Hem i wanem we God i givim yu taem blong mekem.’”3
© 2016 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/16. Oli letem translesen: 6/16. Translesen blong Visiting Teaching Message, July 2016. Bislama. 12867 852
Tingting long Hemia
?Long wanem wei nao famli blong yumi long wol ia i semmak long famli blong yumi long heven?