Jèn yo

Pataje Bonè Etènèl

Youn nan bagay ki pi bon nan levanjil la se konesans plan sali a. Nou gen bèl opòtinite pou nou avèk fanmi nou pou tout letènite. Konesans sa a ede nou gen yon esperans nenpòt lè nou santi pwoblèm mond lan depase nou. Prezidan Eyring anseye, “Papa eman nou an ki nan Syèl konnen kè nou. Objektif Li se pou Li bannou bonè (Gade 2 Nefi 2:25). Epi Li ban nou don Pitit Gason Li a pou rann lajwa lyen familyal ki dire pou tout tan yo posib. … Se yon òf chak pitit Bondye ki vini nan mond lan kapab reklame.”

Benediksyon sa a aplike pou tout moun k ap viv kounyea ak sa ki deja mouri yo—men sèlman avèk èd nou. Zansèt nou yo nan mondèzespri a kounyeya, epi y ap tann pou nou prepare non yo pou òdonans tanp yo fèt nan non yo. Men pafwa li kapab difisil pou fè travay la pou yo. Nou gen dwa twò okipe, oubyen nou gen dwa ap viv twò lwen yon tanp pou n ta ale souvan.

Erezman, gen anpil lòt fason nou kapab ede zansèt nou yo, tankou fè travay istwa familyal, endèksing, oubyen gade timoun pou paran nou pandan yo ale nan tanp. Lè nou ede nan sa a, nou sèvi Senyè a epi sa pote esperans fanmi etènèl pou moun ki nan lòt bò vwal yo.