Lamharon

Pagpaambit sang Wala’y Katapusan nga Kalipayan

Ang isa sang pinakamanami parte sa ebanghelyo amo ang ihibalo sang plano sang kaluwasan. May yara kita sing manami nga oportunidad nga makaupod ang aton pamilya sa wala’y katapusan. Ina nga ihibalo nagabulig sa aton nga makaangkon sing paglaum kon aton mabatyagan nga daw ginadaug kita sang kalibutan. Si President Eyring nagatudlo nga, “Ang aton mapinalanggaon nga Amay nga Langitnon nakahibalo sang aton mga tagipusuon.” Ang iya tinutuyo amo nga hatagan kita sang kalipay (tan-awa sa 2 Nefi 2:25). Kag gani Iya ginhatag ang dulot sang Iya Anak agud mangin posible ang kalipay sa mga kaangtanan sang pamilya nga nagapadayon sa wala’y katapusan. … Ini isa ka tanyag nga sarang mabaton sang tagsa ka anak sang Dios nga nagakari sa kalibutan.”

Ina nga bugay para sa aton nga nagakabuhi sa subong kag sa ila nga nagtaliwan na—apang paagi lamang sa aton nga bulig. Ang aton mga katigulangan yara sa kalibutan sang mga espiritu subong, nagahulat sa aton agud ihanda ang ila mga ngalan para sa ordinansa sa templo agud mahikot tal-os sa ila. Apang kon kaisa mahimo nga mangin mabudlay ang paghimo sini para sa ila. Mahimo nga masyado kita kasako, ukon mahimo nga nagapuyo kita sing tuman kalayo sa templo agud magkadto sing masami.

Sa maayong palad, may iban pa nga mga paagi nga sarang kita makabulig sa aton mga katigulangan, pareho sang paghimo sang mga buluhaton sa family history, indexing, ukon pagbantay sang mga bata para sa aton mga ginikanan samtang nagkadto sila sa templo. Paagi sa pagbulig, nagaalagad kita sa Ginuo kag nagadala sang paglaum sang wala’y katapusan nga mga pamilya sa ila nga yara sa pihak nga bahin sang tabon.