Agtutubo

Panangibingay iti Agnanayon a Ragsak

Maysa kadagiti kasasayaatan a banag maipanggep iti ebanghelio ket ti pannakaammo iti plano ti pannakaisalakan. Addaantayo iti makaay-ayo nga oportonidad a makadua ti pamiliatayo iti agnanayon. Dayta a pannakaammo ket tulongannatayo a maaddaan iti namnama no kasdiay a mariknatayo ti rikot ti lubong. Isursuro ni Presidente Eyring nga “Ammo ti Nailangitan nga Amatayo dagiti pusotayo. Ti panggepna ket mangted kadatayo iti ragsak (kitaen ti 2 Nephi 2:25). Isu nga intedna ti sagut ti Anakna tapno mapagbalinna ti rag-o kadagiti begkes ti pamilia ket agtultuloy iti agnanayon. Maysa daytoy a diaya a mabalin a sakadaen ti tunggal anak ti Dios nga umay ditoy lubong.

A ti bendision ket maiyaplikar kadagiti adda kadatayo a sibibiag ita ken kadagiti pimmanawen- ngem babaen laeng iti tulongtayo. Adda itan dagiti ap-appotayo iti lubong ti espiritu, ur-urayendatayo tapno isagana dagiti nagan para iti ordinansa iti templo a maaramid para kadakuada. Ngem no dadduma narigat nga obraen daytoy a trabaho para kadakuada. Mabalin a makumikomtayo unay, wenno agnanaedtayo iti nakaad-adayo manipud iti templo tapno masansan koma iti ipapantayo.

Nagasat, ta adda pay dagiti sabali a wagas tapno matulongantayo dagiti kapuonantayo kas iti panangitrabaho iti family history work, indexing, wenno agaywan iti ubing para kadagiti nagannak kadatayo bayat ti ipapanda iti templo. Iti panagtulong, makapagserbitayo iti Apo ken maidanun kadagiti adda iti bangir a sikigan ti belo ti namnama iti agnanayon a pampamilia.