Mensahe iti Visiting Teaching, Agosto 2016
Sangsangkamaysa a Panangaywan Kadagiti Pamilia
Nainkararagan nga adalenyo daytoy a material ken kalikagumanyo nga ammuen no ania ti ibinglayyo. Kasano a ti pannakaawat iti “Ti Kaamaan: Maysa a Waragawag iti Lubong” ket papigsaenna ti pammatiyo iti Dios ken mangparabur kadagiti ay-aywananyo babaen ti visiting teaching? Para iti ad-adu pay nga impormasion, mapan iti reliefsociety.lds.org.
Pammati , Pamilia , Tulong
“Addaan dagiti agassawa iti napasnek a pagrebbengan a mangipateg ken mangaywan iti tunggal maysa ken dagiti annakda.”1 “Pagadalan koma ti Dios iti ayat, ken panagserbi ti pagtaengantayo.” kuna ni Presidente Russel M. Nelson, Presidente ti Korum dagiti Sangapulo-ket dua nga Apostol.
“Kayat ti Nailangitan nga Amatayo dagiti agassawa a napudnoda iti maysa ken maysa ken raemen ken tratuen dagiti annak a kas tawid manipud iti Apo.”2
Iti Libro ni Mormon, inbaga ni Jacob a ti ayat nga adda kadagiti assawa a lallaki kadagiti assawada, ti ayat nga adda kadagiti assawa a babbai kadagiti assawada, ken ti ayat nga adda kadakuada nga agpadpada para kadagiti annakda ket maysa kadagiti rason no apay a dagiti Lamanita ket iti maysa a pontos ket nalinlintegda ngem dagiti Nephite (kitaen ti Jacob 3:7).
Maysa kadagiti kasasayaatan a wagas tapno maawis ti ayat ken tunos kadagiti pagtaengantayo ket babaen iti napnuan-ayat a pannakisarsarita kadagiti kameng ti pamiliatayo. Itden ti naasi a pannakisarsarita ti Espiritu Santo. Ni Sister Linda K. Burton, Relief Society general president, guyugoyennatayo nga ibilang: “Kasano ti kasansan ti panagirantatayo nga ’agsao kadagiti naasi a sao iti maysa ken maysa’?”3
Dagiti Mainayon a Nasantuan a Kasuratan
Dagiti Estoria ti Tattao a Sibibiag Pay
Inbingay ni Elder D. Todd Christopherson iti Korum dagiti Sangapulo-ket-dua nga Apostol ti kapadasanna iti kinaubingna a nangipasagepsek kenkuana ti kinapateg ti managayat a pamilia. Idi babbarito isuna ken dagiti kakabsatna, naoperar ti inada iti radical cancer a namagbalin a nasakit kenkuana a mangaramat ti kanawan a takigna. Addaan iti babbarito iti pamilia, adu ti maplantsa, ket iti panagplantsa ti inada, masansan nga agsardeng ket mapan iti uneg ti siled a pagiddaan tapno agsangit inggana a maep-ep ti sakit.
Idi naammuan ti ama ni Elder Christofferson ti mapaspasamak, sililimed isuna a di mangngal-aldaw tapno makaurnong iti umdas a kuarta nga igatang iti makina a mangpalag-an iti panagplantsa. Manipud iti ayatna iti asawana, inpakitana ti pagtuladan ti panagasikaso iti uneg dagiti pamilia para kadagiti babbarona. Iti daytoy nadungngo a langenlangen, kinuna ni Elder Christofferson, “Saanko nga ammo ti sakripisio ti amak ken tignay ti ayat para iti inak kadagidi a tiempo, ngem itan ta ammok, makunak iti bagik, ‘Adda maysa a lalaki.’”4
© 2016 ti Intellectual Reserve, Inc. Nailatang amin a karbengan. Naimaldit iti EUA. Pannakaanamongna iti Ingles: 6/16. Pannakaanamongna a maipatarus: 6/16. Pannakaipatarus ti Visiting Teaching Message, August 2016. Ilokano 12868 864
Ibilang Daytoy
Kasano a ti panangayat ken panangipateg iti maysa ken maysa ket makaawis iti espiritu kadagiti pagtaengantayo?