Poraus seni Fefin Chon Amwa, August 2016
Tumunu Fengeni Famini
Iotek nupwen ka stuti ei puk me kutta met kopwe aea. Ifa ussun om weweiti “An ewe Famini: Esinesin ngeni ei Fonufan” a anapano om nuku non Kot me efeiochu ekkewe ka tumunur ren chon amwa? Ren pwan ekkis poraus, kopwe nengeni reliefsociety.lds.org.
Nuku, Famini, Aninis
Mwan me fefin mi pupunu mi wor wiser ar repwe tongei me tumunu emon me emon me pwan nour kewe semirit.1 “Ewe imw epwe an Kot nenien tong me aninis,” Preseten Russell M. Nelson, Presetenin ewe Mwichen ekkewe Engon me Ruemon Aposel a apasa.
“Samach won Nang a mochen mwan me fefin mi pupunu repwe awora nukunuk fengen nefiner me repwe afona me tumunu nour kewe semirit pwe ir ra feito seni ewe Samon.”2
Non ewe Puken Mormon, Jacob a apasa pwe ekkewe mwan ra tongei punuwer kewe fefin, me ekkewe fefin ra tongei punuwer kewe mwan, me punuwer kewe mwan me punuwer kewe fefin ra tongei nour kewe, ina popun ekkewe Chon Leiman ra aramas wenechar nap seni ekkewe Chon Nifai (nengeni Jacob 3:7).
Ew me nein ekkewe murinon anen ach sipwe korato tong me muu non imwach kewe ren ach sipwe kapas murinno ngeni chochon ach ewe famini. Kapas murinno a wato ewe Ngun mi Fel. Sister Linda K. Burton, peresetenin Fin Anisi unus, a erenikich ach sipwe nenengeni: “Fan fite sia kan ennetin” apasa kapas ni kirekiroch ngeni emon me emon?”3
Pwan ekkoch Wokisin
Poraus mi Manau
Elter D. Todd Christofferson seni ewe Mwichen ekkewe Engon me Ruemon Aposel a aporousa ew porous a fisingeni nupwen an chok emon kukkun minne a ingeiti ussun ewe auchean tongen famini. Nupwen I me pwin kewe ra chok kamon at, iner we a reirei ren an ewe semwenin cancer iwe a fori an epwe fokkun metek an epwe aea poumwanin ewe. Ren at non ewe famini, a wor watten angangen ain, nge nupwen iner ewe a ain, a kan kouno me feino ngeni rumwan ewe an epwe kechiw tori an ewe metek epwe kukkununo.
Nupwen semen Elter Christofferson we a kuna met a fis, a kan opano an esap chiwen mongon neanowas ren arapakan ew ier an epwe isonono senis an epwe naf ren an epwe moni ew mwesin an epwe amecheresano angangen ain. Ren an ewe tong ngeni punuwan we, a awora ew pisekin appirun tumun non an ewe famini ren noun kewe at. Ren ei kirekirochun foffor, Elter Christofferson a apasa, “Use mo fen pwan eteneki an semei we angangen fangeno. Me fofforun tong ren inei we non ena fansoun, nge iei uwa sinei, uwa apasa ngeni inisi, ‘Ina emon mwan.’”4
© 2016 seni Intellectual Reserve, Inc. Meinisin pung mi kawor. A for non Amerika. Kapungunon non fosun Merika: 6/16. Kapungunon awewen: 6/16. Chiakun Visiting Teaching Message, August 2016. Chuukese. 12868 901
Ekieki Usun Ei
Ifa ussun tong fengen me tumunu fengenikich a korato ewe Ngun mi Fel non imwach?