សារលិខិតបង្រៀនសួរសុខទុក្ខ ខែ សីហា ឆ្នាំ ២០១6
ការចិញ្ចឹមបីបាច់គ្រួសាររួមគ្នា
សូមសិក្សាអត្ថបទនេះប្រកបដោយការអធិស្ឋាន ហើយព្យាយាមស្វែងរកអ្វីដែលត្រូវចែកចាយ ។ តើការយល់ដឹងពី« ក្រុមគ្រួសារ ៖ ការប្រកាសដល់ពិភពលោក » បង្កើនសេចក្តីជំនឿរបស់អ្នកទៅលើព្រះ ហើយប្រទានពរដល់អ្នកទាំងឡាយដែលអ្នកថែទាំតាមរយៈការបង្រៀនសួរសុខទុក្ខយ៉ាងដូចម្តេច ? សម្រាប់ព័ត៌មានបន្ថែម សូមចូលទៅកាន់គេហទំព័រ reliefsociety.lds.org ។
សេចក្ដីជំនឿ ក្រុមគ្រួសារ ការសង្គ្រោះ
« ស្វាមី និង ភរិយា មានការទទួលខុសត្រូវដ៏ឧឡារិក ដើម្បីស្រឡាញ់ និង ថែរក្សាគ្នាទៅវិញទៅមក ព្រមទាំង កូនចៅ របស់ខ្លួនផងដែរ » ។១ ប្រធាន រ័សុល អិម ណិលសុន ជាប្រធានកូរ៉ុមនៃពួកសាវកដប់ពីរនាក់បានមានប្រសាសន៍ថា « គេហដ្ឋានគឺជាមន្ទីរពិសោធន៍នៃសេចក្ដីស្រឡាញ់ និងការបម្រើរបស់ព្រះ » ។
« ព្រះវរបិតាសួគ៌របស់យើង សព្វព្រះទ័យឲ្យស្វាមី និងភរិយាមានភាពស្មោះត្រង់នឹងគ្នាទៅវិញទៅមក ហើយគោរព និងប្រព្រឹត្តចំពោះកូនចៅរបស់ពួកគេដូចជាកេរមរតកមកពីព្រះអម្ចាស់ » ។២
នៅក្នុងព្រះគម្ពីរមរមន យ៉ាកុបបាននិយាយថា សេចក្ដីស្រឡាញ់ដែលស្វាមីមានចំពោះភរិយារបស់ពួកគេ សេចក្ដីស្រឡាញ់ដែលភរិយាមានចំពោះស្វាមីរបស់ពួកគេ និងសេចក្ដីស្រឡាញ់ដែលអ្នកទាំងពីរមានចំពោះកូនៗរបស់ពួកគេ គឺស្ថិតនៅក្នុងមូលហេតុជាច្រើនដែលពួកសាសន៍លេមិន ស្ថិតនៅក្នុងចំណុចមួយដែលមានភាពសុចរិតច្រើនជាងពួកសាសន៍នីហ្វៃ ( សូមមើលយ៉ាកុប ៣:៧ ) ។
វិធីដ៏ល្អបំផុតមួយដើម្បីអញ្ជើញឲ្យមានសេចក្ដីស្រឡាញ់ និងភាពសុខុដុមនៅក្នុងគេហដ្ឋានរបស់យើងគឺតាមរយៈការនិយាយដោយសន្ដានចិត្តល្អចំពោះសមាជិកគ្រួសាររបស់យើង ។ ការនិយាយដោយសន្ដានចិត្តល្អនាំឲ្យមានព្រះវិញ្ញាណបរិសុទ្ធ ។ បងស្រី លីនដា ខេ ប៊ើតុន ជាប្រធានសមាគមសង្គ្រោះទូទៅ បានសុំឲ្យយើងពិចារណាថា ៖ « តើយើងមានចេតនា ‹ និយាយពាក្យល្អៗចំពោះគ្នា › ញឹកញាប់ប៉ុណ្ណា ? »៣
បទគម្ពីរបន្ថែម
រឿងពិតដែលបានកើតឡើង
អែលឌើរ ឌី ថត គ្រីស្តូហ្វឺសិន នៃកូរ៉ុមនៃពួកសាវកដប់ពីរនាក់បានចែកចាយបទពិសោធន៍កាលពីកុមារភាពដែលផ្ដល់ចំណាប់អារម្មណ៍ដល់លោកអំពីសារៈសំខាន់នៃគ្រួសារជាទីស្រឡាញ់ ។ កាលលោក និងបងប្រុសរបស់លោកនៅក្មេង ម្ដាយរបស់ពួកលោកបានមានការវះកាត់ជំងឺមហារីកដែលធ្វើឲ្យគាត់ឈឺចាប់យ៉ាងខ្លាំងពេលគាត់ប្រើដៃស្ដាំរបស់គាត់ ។ គ្រួសារដែលមានសុទ្ធតែកូនប្រុស មានខោអាវជាច្រើនត្រូវអ៊ុត ប៉ុន្តែនៅពេលម្ដាយរបស់លោកអ៊ុតខោអាវ ជាញឹកញាប់គាត់បានឈប់ ហើយចូលទៅបន្ទប់គេងរបស់គាត់យំរហូតដល់ការឈឺចាប់នោះបានធូរស្រាលទៅវិញ ។
នៅពេលឪពុករបស់អែលឌើរ គ្រីស្តូហ្វឺសិន បានដឹងពីអ្វីដែលបានកើតឡើង គាត់អត់ទទួលទានអាហារថ្ងៃត្រង់ជាសម្ងាត់អស់រយៈពេលជិតមួយឆ្នាំ ដើម្បីសន្សំប្រាក់ឲ្យគ្រប់ល្មមនឹងទិញម៉ាស៊ីនមួយដែលអ៊ុតបានស្រួលជាងនោះ ។ ដោយក្ដីស្រឡាញ់របស់គាត់ចំពោះភរិយា នោះគាត់បានធ្វើជាគំរូមួយនៃការចិញ្ចឹមបីបាច់នៅក្នុងក្រុមគ្រួសារសម្រាប់កូនប្រុសរបស់គាត់ ។ ដោយការប្រាស្រ័យទាក់ទងនេះ អែលឌើរ គ្រីស្ដូហ្វឺសុន បានមានប្រសាសន៍ថា « ខ្ញុំពុំបានដឹងអំពីការពលិកម្មរបស់ឪពុកខ្ញុំ និងទង្វើរនៃសេចក្ដីស្រឡាញ់ចំពោះម្ដាយខ្ញុំនៅគ្រានោះទេ ប៉ុន្តែឥឡូវខ្ញុំបានដឹង ខ្ញុំនិយាយទៅខ្លួនឯងថា ‹ មានបុរសម្នាក់ ›»៤
© 2016 by Intellectual Reserve, Inc. All rights reserved. ។ បោះពុម្ពនៅ ស.រ.អា. ។ អនុមតិជាភាសាអង់គ្លេស៖៦/១6 ។ អនុមតិការបកប្រែ៖៦/១6 ។ ការបកប្រែនៃ Visiting Teaching Message, August 2016 ។ Cambodian ។ 12868 258
សូមពិចារណាអំពីសំណួរនេះ
តើការស្រឡាញ់ និងបារម្ភចំពោះគ្នាទៅវិញទៅមកអញ្ជើញឲ្យមានព្រះវិញ្ញាណចូលមកក្នុងគេហដ្ឋានរបស់យើងដោយរបៀបណា ?