2016
Tuhfahlah Tuhkweni luhn Sucu
August 2016

Pweng ke Forfor Luti, Ohkohs 2016

Tuhfahlah Tuhkweni luhn Sucu

Pruhe in lutlutkihn kuhfa inge ac suk in etuh ma in akacsruhi kac. In kahlwem ke “Sucu: Sie Mwe Fahkwack nuh fin Facluh” ac ahkyohkye fuhkah luhlahlfongi lom ke God ac ahkinsewowoye mwet kom karihngihn ke forfor luti uh? Nuh ke kuhtuh pac ma in etuh, som nuh ke reliefsociety.lds.org.

Luhlahlfongi, Sucu, Kahsruh

Sie “Mukul ac muhtwacn pahyuck oasr kunohkohn muhtahl lalos in luhngse ac karihngihn sie sin sie ac tuhlihk nahtuhlos.”1 “Lohm se pa in acn in orekma ke luhngse ac kuhlwacnsap luhn God,” fwackyuck sel Prestuhn Russell M. Nelson, Prestuhn ke U in Mwet Kuhlwacnsap Singucul Luo.

“Pahpah tuhmasr Inkuhsrao El kena mukul tuhma ac muhtwacn kiyac uh in nwacsnwacs nuh sin sie sin sie ac in sifacna ac oruh tuhlihk nahtuhlos in oacna mwe sang sacohk se sin Leum.”2

Ke Puk Luhn Mormon, Jacob el fahk lah luhngse luhn mukul tuhmwaclos nuh sin muhtwacn kiyaclos, luhngse luhn muhtwacn kiyaclos nuh sin mukul tuhmwaclos, ac luhngse ma kwewana puhlakihn nuh sin tuhlihk nahtuhlos pa inmahsrlon srihpac ma mwet Lamanites ah tuh sie pacl ah suwohs liki mwet Nephites ah (liye Jacob 3:7).

Sie inkacnek wo in suli luhngse ac on in engan ke luhngse nuh in lohm sesr pa in sramsram kuhlwacng nuh sin mempucr ke sucu uh. Sramsram kuhlwacng use Nguhn Muhtahl. Tahmtahel Linda K. Burton, prestuhn luhlahp luhn Rilif Sosaiti, siyuck sesr in nuhnkuh: “Fuhkah luhpan pacl kuht lohacng in ‘fahk kahs kuhlwacng nuh sin kais sie’?”3

Ma Suhmuhslah Ituckyang Sahyac

Mwet Rome 12:10; Mosiah 4:15; Doctrine and Covenants 25:5

Sramsram Moul

Elder D. Todd Christofferson ke U Luhn Mwet Kuhlwacnsap Singucul Luo el akacsruhi ke moul in kapkapwack el puhlakihn ma ahkuhtweyac nuh sel ke yohk srihpaciyen sie sucu luhngselacna. Ke pacl se el ac tamuhlwel wiyacl ah tuh srihk ah, ninac kiyaclos ah puhlakihn laslas ke cancer upac suc oruh arulacna ngal nuh sel in orekmakihn lacpoh lacyot lal uh. Ke sie sucu ke mukul, puhslac orekma ke in aen nuknuk, tuhsruhk ke ninac kiyacl aen nuknuk uh, el kwacna tui ac som nuh infuckihl uh in tuhng ne kena ngal uh srihkeni.

Ke pacl se pahpah tuhmwacl Elder Christofferson akihlacnack ma sikyak an, el lukmaci in tiac mongo infulwacn lwen apkuhran in yac se in sef mani in molwelah insin se in oruh aen uh in fihsrwacsri. Sahyacn luhngse lal nuh sin muhtwacn kiyacl an, el oraclah sie srihkasrak ke tuhfahlah in sucu an nuh sin tuhlihk mukul nahtuhl an. Ke woiyacn ataptapi se inge, Elder Christofferson el fahk, “Nga tiacna kahlwem ke kihsackuhnlah luhn pahpah tuhmuhk ah ac orekma ke luhngse nuh sin ninac kiyuck ke pacl se ingacn, tuhsruhk ingena nga etuh, nga fahk nuh sihk sifacna, ‘Oasr sie mukul.’”4

© 2016 by Intellectual Reserve, Inc. All rights reserved. Sihmlac fin acn USA. Ahkkweyeyucklac ke kahs English: 6/16. Ahkkweyeyucklac ke lweng: 6/16. Lwenglah luhn Visiting Teaching Message, August 2016. Kosraean. 12868 868

Mwe kahsruh

  1. “Sucu: Sie Mwe Fahkwack nuh fin Facluh,” Liahona, Nohfuhmpuh 2010, 129.

  2. Russell M. Nelson, “Salvation and Exaltation,” Liahona, Mei 2008, 8.

  3. Linda K. Burton, “We’ll Ascend Together,” Liahona, Mei 2015, 31.

  4. D. Todd Christofferson, “Let Us Be Men,” Liahona, Nohfuhmpuh 2006, 46.

Nuhnkuh Ma Inge

Luhngse ac karihngihn lasr nuh sin sie sin sie uh suli fuhkah Nguhn nuh in lohm sesr uh?