Parau poro’i na te mau tuahine hahaere, Atete 2016
Te Aupuru-’āmui-ra’a i te mau ’utuāfare
’A tuatāpapa nā roto i te pure i teie materia ma te ’imi ’ia ’ite e aha te fa’a’ite atu. Nāhea te māramaramara’a i « Te ’utuāfare : E poro’i i tō te Ao nei » i te fa’arahi i tō tātou fa’aro’o i te Atua ’e e ha’amaita’i i te feiā tā ’outou e ha’apa’o nei na roto i te tere hahaerera’a ? Nō te mau ha’amāramaramara’a hau atu, a haere i ni’a i te reliefsociety.lds.org.
Te Fa’aro’o, Te ’Utuāfare, Te Tōtauturu
E « hopoi’a hanahana tā te tāne ’e tā te vāhine fa’aipoipo i te herera’a ’e i te poiherera’a te tahi ’e te tahi ’e tā raua mau tamari’i ».1 « ’E mea ti’a i te nohora’a ’ia riro ’ei pū mā’imira’a i te here ’e te tāvinira’a i te Atua », ’ua parau te peresideni Russell M. Nelson, peresideni nō te Pupu nō te Tino ’Ahuru ma Piti ’Āpōsetolo.
« ’Ua hina’aro tō tātou Metua i te Ao ra i te mau tane ’e i te mau vahine fa’aipoipo ’ia vai parau ti’a noa ’e ’ia fa’ateitei te tahi ’e te tahi ’e ’ia fa’ariro i tā rātou mau tamari’i ’ei hō’ē faufa’a nō ’ō mai i te Atua ra ».2
I roto i te buka a Moromona, ’ua parau Iakoba ē, te here o te mau tane nō tā rātou vahine, te here o te mau vahine nō tā rātou tane, ’e te here o nā metua e piti nō tā rāua mau tamari’i tei roto ïa i te mau ’āti Lamana nō reira i riro mai ai rātou i te hō’ē taime ’ei mea parau ti’a a’e i te mau ’āti Nephi (hi’o Iakoba 3:7).
Hō’ē o te mau rāve’a maita’i ’a’e nō te ani manihini i te here ’e te au maita’i i roto i tō tātou nohora’a, ’o te parau-marū-ra’a ïa i tō tātou mau melo ’utuāfare. E hopoi mai te paraura’a ma te marū i te Vārua Maita’i. Te ani mai nei te tuahine Linda K. Burton, peresideni rahi nō te Sotaiete Tauturu ’ia feruri : « Nāhea tātou ’ia fa’ahiti pinepine i te mau parau maita’i te tahi e te tahi ma te hina’aro mau ? »3
Te tahi atu mau ’īrava pāpa’ira’a mo’a
Roma 12:10; Mosia 4:15; Te Parau Ha’api’ira’a e te Mau Parau Fafau 25:5
’Ā’amu mau
’Ua fa’a’ite mai Elder D. Todd Christofferson nō te Pupu nō te Tino Ahuru ma Piti ’Āpōsetolo i te hō’ē ’itera’a tamari’i o tei ha’aputapū iāna nō te faufa’a rahi o te hō’ē ’utuāfare here. I te rirora’a mai ’oia ’e tōna mau taea’e ’ei mau tamāroa, ’ua fa’aruru tō rātou metua vahine i te hō’ē tāpura’a nō te ma’i māriri ’aita’ata o tei ha’amāuiui iāna ’ia fa’a’ohipa i tōna rima ’atau. ’Ei hō’ē ’utuāfare tamāroa, e mea rahi te ’āurira’a ’ahu, e ’ia ’āuri rā tōna mama i te ’ahu, e fa’aea pinepine ’oia nō te haere atu i roto i te piha e ta’i ai ’e tae roa ’ua iti mai te māuiui.
I tō te metua tane o Elder Christofferson ’itera’a i te ’ohipa i tupu, ’ua haere huna noa oia ma te ma’a ’ore fātata hō’ē mātahiti nō te ha’aputu i te moni ’ia roa’a mai te hō’ē mātini nō te ’āuri ’ōhie i te ’ahu. Nō tōna here i tāna vahine, ua hōro’a ’oia i te hō’ē hi’ora’a nō te aupurura’a i roto i te mau ’utuāfare o tāna mau tamāroa. Nō teie ’ohipa here, ’ua parau ’o Elder Christofferson ē « aita vau i ’ite nō te tusia ’e te ravera’a here a tō’u metua tane nō tō’u metua vahine i taua tau rā, i teie nei rā ’ua ’ite au te parau nei au, te vai nei te hō’ē tane ».4
© 2016 na Intellectual Reserve, Inc. Fatura’a pāruruhia. Nene’ihia i te fenua Marite. Parau fa’ati’a nō te reo peretāne : 6/15. Parau fa’ati’a nō te ’īritira’a : 6/15. ’Īritira’a nō Visiting Teaching Message, August 2016. Tahitian. 12868 895
A feruri i teie
Nāhea ’ia here ’e ’ia aupuru te tahi ’e te tahi nō te ani manihini i te Vārua i roto i tō tātou nohora’a ?