Serafo

Apwonueta ekkewe Annuk me Tongei Ekkoch

Nupwen sia ekieki ussun tong, napengeni aewin ekkewe mettoch a tonong non ekiek mi ekkewe kachiton ammefin tong, chokonet, me ponira. Nge tong—ennet tong—mi annonnon me a nap an ese chok ekieki won winikapan nap seni ena. Jises Kraist a manaw fan itach me mano fan itach pokiten An tong ngenikich. Non ennetin, ekkewe ruu annuk mi napanap pwe sipwe tongei Kot me tongei meinisin (nengeni Matthew 22:36–40). Nge ifa ussun ach sipwe tongeni pwarano ngeni ekkoch pwe kich mi tonger?

Preseten Uchtdorf a aporousa an Kraist kapas monomon ussun ekkewe ruemon nau at, emon a angang ngeni semer ewe me emon ese pwarano. Ewe Chon Amanau a affata pwe ewe chok emon at a anneasochisi saman ewe a ennetin tongei i. Ussun chok, nupwen sia anneasochisi an Kot kewe annuk, sia pwarano pwe sia tongei I me mochen niwin sefanino ren I.

Nge ifa ussun ach pwarano pwe sia tongei meinisin? Preseten Uchtdort a pwan awewei ena: “Ika sia ennetin tongei chiechiach aramas, sia fangeno inisich ne anisi ‘ekkewe mi osupwang me ekkewe mi mochen ach aninis, ekkewe mi samaw me ekkewe mi osukosuk.’ Pun ir kewe ra fori ekkei fofforun umoumoch me aninis, ussun chok ir chon tapweno mwirin Jises Kraist.”

Iwe pwan ewe ew fansoun kopwe kuna semom ne inom, emon aramasom, ika emon chiechiom, kopwe ekieki ussun om kopwe anisir om kopwe pwarano om tipetong fan iter. Esap chok fori ami oupwe pwapwa, nge epwe pwan fori an Semom ewe won Nang epwe pwan pwapwa.