Poraus seni Fefin Chon Amwa, September 2016
Sam me In Ew Wis mi Pin
Anneani ekkei puk fiti iotek me kutta om kopwe sinei met kopwe aporausa. Ifa ussun om weweiti “Ewe Famini: Ew Esinesin ngeni ei Fonufan” a anapano om nuku non Kot me efeiochu ekkewe ka tumunur ren chon amwa? Ren pwan ekkoch poraus, kopwe no ngeni reliefsociety.lds.org.
Nuku, Famini, Aninis
Samach won Nang a forata famini ar repwe anisikich ne awena nongonong non ew neni mi tong. Preseten Thomas S. Monson a apasa: “Ngeni noum ewe semirit ew kapasen ingeiti me foropachei; kopwe apasa, ‘Uwa tongek’ anapa; ne pwarano iteitan om kinisou. Kosap mut ngeni ew osukosuk epwe auchea om kopwe atawei nap seni emon kopwe tongei.”1
Susan W. Tanner, presetenin Mwichen Fopun unusan me nom, a afanafana: “Semach won Nang a pwarano ewe napanap sipwe appiru. I a tongekich, aitikich, a nikitu ngenikich, me a ngenikich ach pungun finata. … Fan ekkoch kapasen fön minne a wewen ‘ach sipwe aiti,’ a osukosuk ren esit. Semirit—pwan aramas ren meinisin nefong(ier)—a emwirinoueno ach mokutukut seni tong me pesepes nap seni fofforungaw.”2
“Ika sia nikitu ne awora ach iotek non famini, kaeo ekkewe pukefel, pwinin famini, efeiochun pristut, me afona ewe Raninifen,” Elter Quentin L. Cook seni ewe Mwichen Engon me Ruemon Aposel a apasa, “nouch kewe semirit repwe … monota ngeni ew imwer fochofoch non nang, fan iten met a fisingenir non ew fonufan mi aweires.”3
Pwan ekkoch Wokisin
1 Nifai 8:37; 3 Nifai 22:13; Doctrine and Covenants 93:40;121:41
Poraus mi Manau
“Uwa akkannea ewe taropwen porousen fonufan nupwen emon noun nei kewe emon kukkun at a pachapach ngeniei,” Elter Rober D. Hales seni ewe Mwichen Engon me Ruemon Aposel a apasa. “Ai uwa akkannea, uwa pwapwa ai uwa rongorong ngingin neuwan a akurangeno ekis toweno. Ekieki ussun ai uwa mairu nupwen, ekis fansoun mwirin, a pusenong inisin nefinei me ewe taropwe. Angei mesei non poun me a pachengeni potun potui, me a apasa, ‘Semei chinap! En mi nom ikana?’
“… Ach nom ikana wewen ach sipwe weweiti netipen nouch kewe sarafo me ach sipwe pachengenir. Me ach sipwe pachengenir wewen esap chok ach sipwe poporous ngenir nge sipwe pwan foffor fengeni mettoch. …
“Sipwe kokkot me anamwota fansoun osukun. …
“… Nangatamen ai nonnom, napenon ai esinna pwe ewe fansoun osukun non ai ierin sarafo, akaewin ekana a kawor seni sam me in, a emwirinono manauei me foriei pwe ngang ion iei.”4
© 2016 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/16. Kapungunon awewen: 6/16. Awewen Visiting Teaching Message, September 2016. Chuukese. 12869 901
Ekkieki Usun Ei
Pwata ewe kapas allim a murinno an epwe afanafan non ewe kapas me a awewe ngeni tong?