Iwaad

Ndinim Mbet ye Ndima Mbon-efen

Ini emi nnyin ikerede-ibanga ima, akpa nkpo emi esiwakde ndiduk ekikere edi ndiwuwut inem-ima, ufiop-ufiop ima, ye mme flawa. Edi ima—ata ima—etim otungo onyung oyom nwaidem akan oro. Jesus Christ okodu uwem ono nnyin onyung akpa ono nnyin oto ke ntak ima emi Enye ekenyenede ono nnyin. Ke akpaniko, ata akamba mbet iba edi ndima Abasi nyung mma kpukpru mbon efen nko (kese Matthew 22:36–40). Edi didie ke nnyin ikeme ndiwut mbon efen ke nnyin imema mmo?

President Uchtdorf akabuana mbuk-nke Christ eke ndito iren iba, eyen kiet emi akanamde utom ono ete esie ye enye emi mikanamke. Andinyanga anam ukpeb oro anwanga ete ke eyen eren kiet emi akanamde item ete esie eketim ama enye. Ke ukem usung oro, ini eke nnyin inimde mbet basi, nnyin imewut ete ke nnyin imema Enye inyung iyom ndinyong ntiene Enye.

Edi didie ke nnyin idiwut ke nnyin imema kpukpru mbon owo efen. President Uchtdorf anam oro anwanga ete, Edieke nnyin itimde ima mbon owo efen, nnyin iyeyak idem nnyin man inwam mbon ubuene ye mbon unana, mbon udongo ye mbon nkpo-nnam. Koro edi mbon emi enamde utom nwaidem esit-mbom ye unwam, mmo edi mme mbet Jesus Christ.

Ntre kini efen emi mbufo ekutde ete ye eka mbufo, eyen-eka mbufo kiet, mme ufan mbufo kiet, kere-banga ndinwam mmo man owut ima emi mbufo enyenede ono mmo. Oro ikpong idinamke mbufo ye mmo ekop-inem, edi oro nko eyenam Ete mbufo ke Enyong enem esit.