Etop eke Visiting Teaching, Ofiong Usukkiet ke isua 2016
Ndidi Ete ye eka Edi Edisana Ubiong-utom
Bong akam kpeb nkpo emi ndien yom ndidiongo se ekpebuanade. Didie ke ndifiok Ufokemana, Etop emi enode Ererimbot, edi-nam mbuotidem mbufo ke Abasi okori onyung odiong mbon owo emi mbufo esede enyin oto ke ndikise iban? Ke oyomde ndifiok awak, ka ke reliefsociety.lds.org.
Mbuotidem, Ufokemana, Unwam
Ete nnyin ke Enyong akasiak mme ufokemana onim man anwam nnyin ndikpeb ndinen akpan-ukpeb ke ebiet emi ima odude. President Thomas S. Monson okodoho ete, Toro eyen mbufo yung fat-wanga enye, doho ete, Ami mmema fi nkaha, ofuri ini wut osongo ekom mbufo.—Kuyayak edibem-iso nyo mfina edi akpan nkpo akan owo emi mbufo ekpemade.”1
Susan W. Tanner, akani akwa ada-ibuot eke Nkaiferi Iban ekekpeb ete ke, “Ete nnyin ke Enyong ama emen usung owut nte nnyin ikpetienede. Enye amama nnyin, ekpeb nnyin, enyene ime ye nnyin onyung ayak unen nnyin ndimek ono nnyin. … Ke ubak-ini mme owo esida ntuni, emi oworode, man ekpebnkpo, ete ke ekedi idiok-efanga. Ndito-owong—ukem nte mme owo ke ofuri isua emana—enam edu-uwem ofon ke ima ye nsongo-nda akan ndikukut ndudue kpot.”2
Elder Quentin L. Cook eke Eboho mme Apostles Duopeba okodoho ete, Edieke nnyin itimde inyene akam ufokemana, ukpeb nwed Abasi, mbono ufokemana ke mbubreyo Monday, mme edidiong itie-oku, ye edinim usen Sabbath ke edisana, ndito nnyin eye … benge idem eno nsinsi ufokidung ke enyong, isehe mme ewe nkpo okpobiongo mmo ke okposong ererimbot emi.”3
Itie Nwed Abasi Efen
1 Nephi 8:37; 3 Nephi 22:13; Doctrine ye Covenants 93:40; 121:41
Mbuk Akpaniko
Elder Robert D. Hales eke Eboho mme Apostles Duopeba okodoho ete, Ami nkekot nwed mbuk nkpo-ntibe kini kiet kotu ekpri eyen-eren eyeyen mi eke edifatde-anwanga mi. Nte ami nkekotde, ama enem mi ndikop inem uyo esie nte akade iso eting iko usop-usop ke isong-isong. Ke mkpaidem mi kini, ke ekpri edikem ini, enye okonuk idemesie afaha ke ufot nwed oro ye ami. Edimum iso mi ke ubok esie onyung ada ibuo esie adian ye okim, enye okobup ete, Etebom! Nte afo ke odu do?
… Ndidu do oworo ete ndifiok esit eke mme iwaad nnyin nyung nyene-ebuana ye mmo. Ndien ndibuana ye mmo iworoke ke ndineme-nneme ye mmo kpot edi oworo ndinam mme nkpo nko ye mmo. …
Nnyin inyene ndibenge-idem nyung nda ufang ke ini odude ndikpeb nkpo. …
“… Nte ami nsuk ndude uwem nka-iso, ntre ke ami ndiongo nte ke ini ukpeb eke ini uyen mi, akpan-akpan mme ini eke ete ye eka mi ekenode mi, ama otim uwem mi enim onyung anam mi ndi oruk owo eke ami ndide.”4
© 2016 eketode Intellectual Reserve, Inc. Emenim kpukpru unen. Ekeming ke USA. Enyime edikabare ke Iko Mbakara: 6/16. Enyime edikabarel: 6/16. Edikabare Etop eke Visiting Teaching Message, September 2016. Efik. 12869 553
Kere-banga Emi
Ntak emi etimde ekpeb iko Abasi ke usem ye ke uwutnkpo ima?