Etop eke First Presidency, Ofiong Usukkiet ke isua 2016
Nso Nkpo, Itiene Ima?
Andino edi President Dieter F. Uchtdorf
Udiana Ono-item ke First Presidency
Edima prophet nnyin, President Thomas S. Monson, ekekpeb ete ke, ima edi ata ntongo-nkpo ke iko Abasi.”1
Ima edi ata akpan-nkpo oro esin Jesus okot enye nte, akamba ye ebe-iso item, onyung odoho ete ke ofuri mkpri ibet ye mme iko eke mme prophet okongo ke ima.2
Ima edi akpan ntak ono ofuri nkpo se nnyin inam ke ufok Abasi. Kpukpru nkpo se-enam, kpukpru mbono, kpukpru edinam eke nnyin ibuanade nte mme mbet Christ enyene ndiworo-nto edu-uwem emi—koro ke ata ima miduhe, edisana ima eke Christ, nnyin idige nkpo ndomo kiet.3
Ini kiet eke nnyin ifiokde emi ke ekikere ye ke esit nnyin, ini kiet eke nnyin iwutde ima nnyin ino Abasi ye mbon owo efen—nso efen?
Nte ndinyene ekikere esit-mbom ye ima nno mbon efen ekem? Nte ndiwut ima nnyin nno Abasi ye mbohoidung nnyin ekekem ye ubiong emi nnyin inyenede ino Abasi?
Nke-mbuk eke Ndito Iren-owo Iba
Ke temple emi odude ke Jerusalem, akwa oku ye mme ada-idaha kotu mbon Jew ema ebine Jesus man eyom ndida mme iko Esie mmum Enye. Andinyanga, nte edide, ama akabare emen owut mmo ke nditing mbuk kiet nno mmo.
Enye okotongo ntem ete, Owo kiet ekenyene ndito iren iba, Ete oro ebine akpan onyung odoho enye ete aka akanam utom ke inwang-vine. Edi eyen oro ama esin ndika. Edikem eyen oro editua-mkpofiok, onyung aka.
Ete ndien ebine udo onyung odong enye ete aka akanam utom ke inwang-vine. Udo enyime ono ete ke imo iyeka, edi ikekaha.
Ndien Andinyanga owongore obup mme oku ye ada-idaha oro ete, Anie ke otu ndito iren iba emi akanam sidi uduak eke ete esie?
Ekena nte mmo enyime ete ke ekedi akpan—enye emi okodohode ete ke imo idikaha edi ekem editua mkpofiok onyung adaha-aka akanam utom ke inwang-vine.4
Andinyanga akada mbuk emi owut akpan ukpebnkpo—edi mbon emi ekopde item edi mmo emi etimde ema Abasi.
Ndusuk emi edi ntak eke Jesus okodohode yak mme owo ekpang-utong enyung ekop ukworo-iko eke mme Pharisee ye scribe edi ekutiene edinam mmo.5 Mme ekpeb ido-ukpono emi ikenamke se mmo etingde. Mmo ekema nditing mbanga ido-ukpono, edi ke ata mbom mmo ema etim enana ata idem-nkpo eke ido-ukpono oro.
Mme-edinam ye Erinyanga-ukpong Nnyin
Kiet kotu mme akpatre ukpebnkpo emi Andinyanga okonode mme mbet Esie, Enye eketing ono mmo abanga akpatre ubiere-ikpe. Eyebahare mme anam-idiok ye ndinen owo. Nti owo eyenyene nsinsi uwem, eyeyak mme anam-idiok esin ke nsinsi ufen.
Nso idi ukpuhore ke otu eboho iba emi?
Ema enyanga mbon emi ekewutde ima mmo oto ke edinam nkpo. Ikpe ama otip mbon emi mikinamke ntre.6 Oto ke nnyin ndinam nkpo ke uwem nnyin k’usen-k’usen ke edikut ata edikabare esit nnyin ke iko Abasi Jesus Christ ye mme ufon ye akpan ukpebnkpo.
Ke akpatre, ndiwuwut ima ikpong nno Abasi ye owo efen idinamke nnyin idot ke ndinyene erinyanga-ukpong. Koro, nte Jesus ekekpebde ete, “ke idige kpukpru owo emi ekotde Mi ete, Obong, Obong ediduk ke Obio Ubong Heaven, edi owo eke anamde uyo Ete Mi emi odude ke Heaven.”7
Nso Nkpo Itiene Ima?
Iboro mbume emi, “Nso nkpo, itiene ima? Ekeme ndidi mmem-mmem ye inwang-inwang. Edieke nnyin itimde ima Andinyanga, nnyin iyeyak esit nnyin ino Enye ndien ekem nnyin idisanga ke usung owo mbet. Kini nnyin imade Abasi, nnyin iyedomo ndinim mme mbet Esie.8
Edieke nnyin itimde ima mbon owo efen, nnyin iyeyak idem nnyin ke ndinwam mme ubuene ye mbon unana, mbon udongo ye mbon nkpo-nnam.”9 Koro edi emi enamde utom nwaidem esit-mbom ye unwam emi,10 mmo emi edi mme mbet Jesus Christ.
Emi edi se itiene ima.
Emi edi ata ntongo ke iko Abasi Jesus Christ.
© 2016 eketode Intellectual Reserve Inc. Ekpan kpukpru unen ndiming nwed emi. Ekeming ke USA. Enyime edikabare ke Iko Mbakara: 6/16. Enyime edikabarel: 6/16. Edikabare Etop eke First Presidency Message, September 2016. Efik. 12869 553
Ukpebnkpo eketode Etop Emi.
President Uchtdorf owut ete ke mme ata mbet Jesus Christ edi mbon emi ewutde ima eno Enye ye mbon efen oto ke edinam mmo. Enye ekekpeb nnyin ete ke, edieke nnyin itimde ima Andinyanga, ke nnyin iyeyak esit nnyin ino Enye ndien ekem nnyin idisanga ke usung owo mbet. Enye ekekpeb nnyin ete ke, edieke nnyin itimde ima Andinyanga, ke nnyin iyeyak esit nnyin ino Enye ndien ekem nnyin idisanga ke usung owo mbet. Mbufo emekeme ndibuana mme ifiok-ukpeb mbufo ye mmo nko. Mbufo emekeme ndikere ndikot mmo ete ebong-akam man enyene ata ima ye ukeme ke ndinam utom ima awak.