Jèn yo

Respekte Kòmandman yo epi Renmen Lòt Moun

Lè nou panse ak lanmou, premye bagay ki souvan vini nan lespri nou se fim womantik, chokola, ak flè. Men lanmou—vrè lanmou an—se yon bagay ki vrèman pi pwofon epi ki vrèman pi dezenterese pase sa. Jezikri te viv pou nou epi li te mouri pou nou akoz lanmou Li pou nou. Anfèt, de pi gran kòmandman yo se renmen Bondye ak renmen tout moun (gade Matye 22:36–40). Men kijan nou ka montre lòt moun nou renmen yo?

Prezidan Uchtdorf pataje parabòl Kris la sou de pitit gason yo, youn ki travay pou papa li ak youn ki pa travay pou li. Sovè a fè nou remake se sèl pitit gason ki te obeyi papa l la ki te vrèman renmen li. Menmjan tou, lè nou obeyi kòmandman Bondye yo, nou montre nou renmen Li epi nou vle retounen al jwenn Li.

Men kijan pou nou montre nou renmen tout lòt moun? Prezidan Uchtdorf esplike sa tou: “Si nou vrèman renmen pwochen nou, n ap fè tout efò nou pou ede ‘pòv yo ak moun ki nan nesesite yo, malad yo ak moun ki aflije yo.’ Paske moun ki fè zak dezenterese sa yo ki plen ak konpasyon ak sèvis, se yo menm ki disip Jezikri.”

Konsa, pwochèn fwa nou wè paran nou, yon frè oswa sè nou, oubyen yon zanmi, panse sou sèvi yo pou montre afeksyon nou pou yo. Non sèlman sa ap fè yo kontan, men sa ap fè Papa w ki nan Syèl la kontan tou.