Mesaj Vizit nan Fwaye, Septanm 2016
Vin Paran se yon Devwa Sakre
Etidye materyèl sa a nan lapriyè epi chèche enspirasyon pou w ka konnen kisa pou w pataje. Kijan konpreyansyon “Fanmi: Yon Pwoklamasyon pou Mond lan” kapab ogmante lafwa nou nan Bondye epi beni moun n ap veye sou yo atravè vizit nan fwaye yo? Pou plis enfòmasyon, ale nan reliefsociety.lds.org.
Lafwa, Fanmi, Sekou
Papa nou ki nan Syèl la tabli fanmi yo pou ede nou anseye prensip kòrèk nan yon anviwonman plen lanmou. Prezidan Thomas S. te di: “Fè pitit nou konpliman epi anbrase yo; di: ‘Mwen renmen w pi souvan; toujou eksprime remèsiman nou. Pa janm kite yon pwoblèm pou rezoud vin pi enpòtan pase yon moun pou renmen.”1
Susan W. Tanner, ansyèn prezidant jeneral Jènfi yo te anseye: “Papa nou ki nan syèl la se egzanp modèl nou dwe swiv la. Li renmen nou, li anseye nou, li gen pasyans avèk nou, epi li fè nou konfyans avèk libabit nou an. … Pafwa nou konfonn disiplin, ki vle di, ‘anseye,’ avèk kritik. Timoun yo—epi tou moun nan tout laj—ap amelyore konpòtman yo plis lè yo santi lanmou nou ak ankourajman nou pase lè n ap chèche jwenn fot lakay yo.2
Èldè Quentin L. Cook nan Kolèj Douz Apot yo di: “Si nou fè priyè familyal, etid ekriti anfanmi, sware familyal, benediksyon prètriz, ak respekte jou Saba a fidèlman, pitit nou yo … ap prepare pou yon fwaye etènèl nan syèl la, kèlkeswa sa ki tonbe sou yo nan yon mond difisil”3
Ekriti adisyonèl
Istwa Vivan
Èldè Robert D. Hales nan Kolèj Douz Apot yo te di: “M t ap li jounal la lè youn nan jèn ti pitit pitit mwen yo te vin chita sou mwen.” “Pandan m t ap li a, m te kontan tande bèl ti vwa li ki t ap pale. Imajine etonman mwen lè yon ti moman apre li te foure tèt li ant mwen menm ak jounal m t ap li a. Li te pran figi m nan men li epi l te fwote nen l sou nen mwen, li te mande, ‘Granpè! Èske w la?’
“…Èske w la a vle di pou w konprann kè jèn nou yo epi konekte avèk yo. Epi konekte avèk yo vle di pa sèlman fè konvèsasyon avèk yo men reyalize bagay yo avèk yo tou. …
“Nou dwe planifye epi pwofite moman ansèyman yo. …
“ … Plis mwen viv, se plis mwen rekonèt moman ansèyman nan jenès mwen yo, espesyalman sa paran m te ban mwen yo, yo te fòje lavi m epi te fè m sa m ye jodya.”4
© 2016 Intellectual Reserve, Inc. Tout dwa rezève. Enprime nan Etazini Damerik. Apwobasyon anglè: 6/16. Apwobasyon tradiksyon: 6/16. Tradiksyon Visiting Teaching Message, September 2016. Haitian Creole. 12869 036
Konsidere Sa
Poukisa nou ka pi byen anseye levanjil la atravè langaj ak egzanp lanmou?