Messaġġ tal-Għalliema taż-Żjajjar, Settembru 2016
Li Tkun Ġenitur Huwa Dmir Sagru
Bl-għajnuna tat-talb studjaw dan il-materjal u fittxu li tiksbu l-ispirazzjoni biex tkunu tafu x’ għandkom taqsmu ma’ ħutkom. Li tifhmu “Il-Familja: Proklamazzjoni lid-Dinja” kif jista’ jwassalkom biex tkabbru l-fidi tagħkom f’ Alla u tbierku lil dawk li intom responsabbli tagħhom permezz tat-tagħlim taż-żjajjar? Għal aktar informazzjoni, żuru reliefsociety.lds.org.
Fidi, Familja, Għajnuna
Missierna tas-Smewwiet waqqaf il-familji biex jgħinna ngħallmu prinċipji korretti f’ ambjent ta’ mħabba. Il-President Thomas S. Monson qal: “Għaddi kumpliment lit-tifel tiegħek u għannqu miegħek; għidlu aktar ta’ spiss ‘inħobbok’; dejjem esprimi l-gratitudni tiegħek. Qatt tħalli problema li għad trid tissolva ssir aktar importanti minn persuna li inti tħobb.”1
Susan W. Tanner, li kienet president ġenerali tat-Tfajliet, għallmet: “Missierna tas-Smewwiet huwa eżempju tajjeb tal-mudell li għandna nimxu warajh. Huwa jħobbna, jgħallimna, huwa paċenzjuż magħna, u jafdana bl-għażla ħielsa tagħna. … Xi kultant id-dixxiplina, li tfisser ‘li tgħallem,’ nitħawduha mal-kritika. It-tfal—kif ukoll nies ta’ kull età—itejbu l-imġieba tagħhom jekk aħna nuruhom l-imħabba u ninkuraġġuhom ferm aktar milli kieku noqogħdu nippruvaw insibu d-difetti tagħhom.”2
“Jekk b’ fedeltà aħna nitolbu flimkien bħala familja, nistudjaw l-iskrittura, inżommu l-lejla d-dar mal-familja, ikollna l-barkiet tas-saċerdozju, u nosservaw jum is-Sabbath,” qal il-Presbiteru Quentin L. Cook tal-Kworum tat-Tnax-il Appostlu, “uliedna jkunu mħejjijin għal dar eterna fis-smewwiet, ikun xi jkun dak li jgħaddu minnu f’ din id-dinja mill-aktar diffiċli.”3
Skrittura Addizzjonali
1 Nephi 8:37; 3 Nephi 22:13; Doctrine and Covenants 93:40; 121:41
Stejjer Ħajjin
“Jien kont qed naqra l-gazzetta meta wieħed min-neputijiet ċkejknin tiegħi poġġa bilqiegħda ħdejja,” qal il-Presbiteru Robert D. Hales tal-Kworum tat-Tnax-il Appostlu. “Hekk kif bdejt naqra, ħadt gost nisma’ l-leħen ħelu tiegħu jitkellem fl-isfond. Immaġinaw is-sorpriża tiegħi meta, ftit mumenti wara, huwa daħal bejni u bejn il-gazzetta. Wara li missli ħaddejja b’ idejh u beda jagħfas imnieħru ma’ tiegħi, huwa staqsieni, ‘Nannu! Inti qed tisma’ x’ jien ngħid?’
“… Li tkun hemm ifisser li tifhem il-qlub taż-żgħażagħ u tikkonnettja magħhom. U li tikkonnettja magħhom ma jfissirx biss li titkellem magħhom iżda li tagħmel ċerta affarijiet magħhom. …
“Għandna nippjanaw u nieħdu vantaġġ minn kull mument biex ngħallmuhom. …
“… Aktar ma nikber, aktar nagħraf li l-mumenti ta’ tagħlim fiż-żogħżija tiegħi, speċjalment dawk li pprovdewli l-ġenituri tiegħi, wasslu biex fassluli ħajti u għamluni dak li jien.”4
© 2016 minn Intellectual Reserve, Inc. Id-drittijiet kollha riservati. Stampat fil-Ġermanja. Approvazzjoni bl-Ingliż: 6/16. Approvazzjoni tat-traduzzjoni: 6/16. Traduzzjoni ta’ Visiting Teaching Message, September 2016. Maltese. 12869 159
Ikkunsidraw Dan
Għaliex l-aħjar mod kif ngħallmu l-evanġelju huwa permezz tal-lingwa u l-eżempju tal-imħabba?