Agtutubo

Dagiti Apoy ken Adalen ti Panagtungpal

Naminsan a naibaga ni Presidente Thomas S. Monson maipanggep daydi tiempo nga naadalna ti kinapateg ti panagtungpal. Idi agtawen iti walo, binisita ti pamiliana ti cabinda iti kabanbantayan. Kayatna ken ti gayyemna ti mangdalus iti maysa a naruot a lugar para iti campfire. Pinadasda a dalusan ti karuotan babaen ti imada, nagguyod ken naggabut iti kasta unay inggat kabalinanda, ngem ti laeng naalada ket dagiti sangkapetpet a ruruot. Inlawlawag ni Presidente Monson, “Ket kalpasanna dimteng ti walo-ti-tawen a panunotko ti impagarupko a kapintasan a solusion. Kinunak ken ni Danny, “Kasapulanta laeng a puoran dagitoy a ruot. Inta laeng puoran ti tengnga ti karuotan!”

Uray ammona a di mapalubosan nga agusar iti gurabis, nagtaray a nagsubli iti cabin ket nangala iti sumagmamano, ket nangsilmutda ken Danny iti bassit a paset ti karuotan. Impagarupda a maiddepto lattan, ngem saan ta dimmakkel a nagramram ken makadadael nga apoy. Napanda ken ni Danny nagpatulong, ket madamdama addan dagiti nataengan a nangiddep iti apoy sakbay a nakadanun kadagiti kaykayo.

Intuloy ni Presidente Monson, “Nasursuromi ken ni Danny ti sumagmamano a narigat ngem napapateg a leksion iti dayta nga aldaw—ti dakkel a paset daytoy ket ti kinapateg ti panagtungpal.” (Kitaen iti “Obedience Brings Blessings,” Liahona, Mayo 2013, 89-90.)

Kas ken ni Presidente Monson,adda kadin naadalyo a leksion babaen iti narigat a wagas maipanggep iti panagtulnog? Ania dagiti kayat a tun-oyen ti aramidem tapno iti masakbayan ket mapagbalinmo ti bagim a natalged?