Fal’ Yangren

Nifiy nge N’en ni Ngan Nang ko Fol

President Thomas S. Monson e bay biyay ni yoeg ngog mragan bingyal’ ni ri nangfan fal’ngin ni ngan fol. Napa’an nib meruk e duw rok, chongin e tabinaew rok e ranoed nga dakan e burey ko na’un rorad. I’ir nge chongin e tafgar rok e yad ba’adag ni ngar fal’agned rogon e gin ni ngan mo’oruf riy. Kar gayed rogon ni ngar chuwegned e paan nga pa’rad, yad be male’ ma yibe pug fapi pan nga gelngin rayog rorad, ma kuyad ra sap ma kabo’or fapi paan. Me weliy President Monson rogon, “Me yibi buch Kug lemnag rogon nib thabi fel’ ko tafney rog nib merub e duw rog. Kug gog ngak Danny, ‘Kemus ningu tew e nifiy ko paan me yik. Gadowra urufeg ba lilbuy ko biney e paan!”

Dariy fan ni manang ni susan ni dabiyog ni nge use nag e nifiy, me miil nga tabinaew nge fek boech, me ir nge Danny miyow urifiy farngi n’em ni bay e pan riy. Ma yow be lemnag ni fare nifey e bayi maath rok ni yigo’ir rok, ma dani buch ni aram rogon ya ga’ fare nifiy i yan. I’ir nge Danny miyo miil ngar piningew e ayuw, ma dani n’uw napa’an ma ke miil e gidii’ i yib ngan dang fare nifiy u m’on ni nge aff ko gaki’iy.

Maki ul’ul’ President Monson nibe weliy, “Danny nge Gag kug fil boech e mafil nib mom’aw binem erran—u somm’on e tin nib ga’fan ko mafol.” (Mu guy ko “Obedience Brings Blessings,” Liahona, May 2013, 89–90.)

Woed President Monson, bay bangiyal’ ni kam fil mragen e fol ko bin e kawawo’ nib momaw’? Mang boech ban’en ni rayog ni ngam rin’ ni rayog ni nge ayuwegnem ngam fol ko gubul nge langlad?