Mulwol ni Ngan Fil ni Ngan Nang, Oktober 2016
Got e ke Fal’eg e Tabinaew
Meybil nge biy’eg fapi babyor mu piry’eg e tin ngam mog. Urogon ni rayog ni ngan nang fan “The Family: A Proclamation to the World” nge mon’og nag e mich rodad ngak Got me yibliy e pi cha’en ni gadad matangiydad udaken fare mulwol ni ngan fil? Ra tin ni ga ba adag ni ngam nang, man ko reliefsociety.lds.org.
Mich,Tabinaew, Ayuw
Ulane thin ko tang ko [Primary], ‘The Family is of God,’ … ma kan pug oren ngodad fare doctrine,” nike yoeg Carole M. Stephens, Bin Som’on e Counselor u langin fare Relief Society General Presidency. “Kan filed ma kad nanged ni tabinaew e tabinaew rok Got ma gadad gubin ma baga’ fandad ngak e tabinaew rok Got. …
“… Fare m’ag rok e Chitamangdad ngak fapi bitir rok e m’ag ko tu’ufeg. I’ir e m’ag ni nge kunuy gubin pifak—tabinaew Rok—nge Ir nga ta’abang.”1
Elder L. Tom Perry (1922–2015) ko fare Quorum ko fare Ragag nge L’agruwi Apostles e yoed: “Mich u wun’mad ngay ni yaeln ko tabinaew e gathi kemus e n’en nima ta’dad nga ta’abang, fa pi’ e chalpiy ngodad, fa pi’ e yalen nib ga’fan—machane ku bugi ban’en ni ma pi’ e Got ni ngan muruwliy e nam rok ni ngani mus rogon ni ba’adag.
“Mich u wun’mad ngay ni fapi ulung nge tiyugang’ u tharmiy e ran toy nga dakan e tabinaew min ga’nag ngak boech e tabinaew.”2
“Gubin e gidii’, demtrug rogon e mabgol rorad fa urngin e bitir rorad, ma rayog ni nge guy fare wo’en Somoel ulangin fare proclamation ko tabinaew,”yoeg Bonnie L. Oscarson, Young Women General President. “Fa’anra tunom rok Somoel, ma thingari mang boech e tunom rodad!”3
Boech e Pithin nib Thothup
Doctrine ko fare Tabinaew
Sister Julie B. Beck, Ki mang Relief Society General President, e fil marunga’agen e tabinaew e baga’ nga dakan fare Sunmiy, fare Mul, nge fare Biyul rok Yesus Kristus:
“Fare Sunmiy ko fare fayleng e ke pi’ bang ni tafnay e tabinaew min par riy. Got e sunmiy ba mo’on nge bpin ni yow fare mit e tabinaew. Ku bang fare m’ag rok e Chitamangdad ni bay u Tharmiy ni Adam nge Eve kar m’ag pa’ gow ko reb e tabinaew ni manemus.
“… Fare Mul rok Adam nge Eve e kanawo’en ni yog ni ngar fakew e bitir ni pagal nge bpin.
“Bayul rok [Kristus] e pi’ matwon e tabinaew ni ngan m’ag pa’ u ta’abang ni manemus. Ma ayuweg chongin e tabinaew ni ngan ilal u ta’abang ni manemus ma fal’eg rogoy. Fare wo’en e falfalaen’, ni kiy ma yoeg e wo’en e thap, e ba m’ag ni kan sunmiy ni fan ko chongin e tabinaew. …
“… Ir aray e machib rok Kristus. … Ra dariy fare tabinaew, ma dariy fare tunom; ma dariy fan fare yafos ni manemus.”4
© 2016 by Intellectual Reserve, Inc. Gubin mabay mat’won. Kan yoloey u Meriken. Kan micheg nag ko thin nu Ngalis: 6/16. Micheg i pilyeg: 6/16. Pilyeg thin ko Visiting Teaching Message, October 2016. Yapese. 12870 905
Mu Lemnag e Pin’ey
Mang fan ni tabinaew e baga’fan ko gubin ngiyal’ nge bin miged a yafos?