Mulwol ko Bin Somm’on e Presidency, October 2016
Fapi Taw’ath ko Fol
Yib rok President Thomas S. Monson
“Bin tha’abi ga’fan ni ngan fil mornga’agen ko biney e yafos,” nike fil President Thomas S. Monson, “e napan re non Got magdad fol, ma gubin ngiyal’ ma gadad ba mat’aw.”1
Ma kuran tawa’ath nag dad. Woed rogon ni ke yoeg President Monson ko napa’an e general conference: “Napan ni gadad ra fol ko motochiyel, ma yafos rodad e ra falfalan’, me mon’og, me buchu’uw e magawon riy. Ma mgagawon rodad e ra moem i yaen, ma gadad ra thapag fare tawa’ath ko mich rok [Got].”2
Tin nibe fil President Monson ni’ir fare President ko fare Galasia, ke pug oran ngodad ni fare motochiyel e ke m’ug ni ra fekdad ko falfalan’ nge gapas.
Kanawo’en ko fare Milikag
“Motochiyel rok Got e gathi kan pi’ ngodad ni nge gel nag e momaw’ fa magawon nag e pi falfalan’ rodad. Ra thil ni fa’anra gara thiliyeg u but’. Got ni sunmiy dad ma gadad ba tu’uf rok e manang rogon nib tu’uf rodad ni ngad pired ko pi yafos rodad min thapag fa bin tha’abi ga’ e falfalan’ ni bay. Ke pi’ kanawo’en ngodad ni rayog, ni fa’an ni gadad ra laked, ma ran awuwegdad ko milikag rodad ko biney e yafos nib yeyewol. Kagdad manang fapi thin ko reb e tang: ‘Keep the commandments! In this there is safety; in this there is peace’ [Mu guy ko “Keep the Commandments,” Hymns, no. 303].”3
Gelngin nge Luwaen’
“Tafol e ir fare pow ko pi profet; ir e ke pi’ gelngin nge luwaen’ ngorad ulangin e pi yafos rorad. Ma kub ni ngad nanged, ni ki gadad, e kurayog ni ngad feked boech e biney e gelngin nge luwan’. Rayog ni ngad thapaged e dabay ni fa’an gadad ra fol ko motochieyl rok Got. …
“Fare lowaen’ ni gadadba gay e chiney, fapi fulweg nib t’uf ngodad, nge gelngin ni gadad ba’adag daba’ ningad mugu’uliyed e tin nib mom’aw ko fayleng nima thilyeg ningad thapeged napan ngad folgad ko fapi motochiyel rok Somoel.”4
Mel’eg ni ngam Fol
“Bingyal’ ney be yo’or ma ke moem e denen. Babyor nge tv e ba dag ya’an e gidii’ nib fel’rogon ko kachido, ma fapi chag nag ko fafal—e bo’or e gidii’ nib bitir ni yiba’adag ni ngan woed rad—ni dar tayedfan e motochiyel rok Got ma be un ko tin denen ban’en, ni bay e gechig riy nib ga’. Dabi mich u wun’um ngay! Ya bay e ngiyal’ ko pufthin—ni woed ni yibe thathabil nag e salpiy nib t’ab rogon tolngin. Gubin ban’en ma bay tomran—fa’an gathi biney e yafos, ma bin migid. Ma Rran ko pufthin e ra yin ngak gubin e gidii’. … Gube wenig nag ngomed ni ngam mel’egned ni ngam fol gad.”5
Falfalan’ nge Gapas
“Woed ni be m’ug ni pi cha’an ni yad be un ko tinu fayleng ban’en e yad ba falfalan’ ngomed. Boechi gamed e bayi lemnag ni dabiyog ni nge rin’ e tin ni ba’adag ban’en ni bachane fare gafarig ko Galasia. Pi walageg ni pumo’on nge bpin, gube yoeg ngomed, arogon, nidariy ban’en ni ra fek e falfaln’ nga lane yafos rodad fa gapas ko ya’al rodad nib ga’ ko fare Ya’al ni re yib ni fa’an gadad ra lek fare Tathapeg man tay fan fare motochiyel rok.”6
Man nge M’on
“Gube micheg ngomed ni fapi tawa’ath e baga’ ni dabyog ni ngan foleg. Boechi ngiyal’ ma bay e gafgow, ma bay nib mom’aw ulane yafos rodad, ma fare tu’ufeg rok e Chitamangdad ni bay u Tharmiy ngak fare Tathapeg e ra ayuwegdad me fek fare falfalan’ nge gum’ircha’dad ko ngiyal’ ni gadad be yaen nga m’on min tay fan fare motochiyel. Dariy e ban’en u lane fayleng ney niba gel nagdad.”7
Mulek fare Tathapeg
“Mini’ fare Mo’on nibe athamgil u fithik’ e gafgow, nge amith? I mini’ e re pilung ni ga’ nem, fare Somoel th’abi gel? I’ir fare Pilung rodad. I’ir fare Tathapeg rodad. I’ir fare Fak Got. I’ir fare Sunmiy ko fare Thapeg rodad. Me ga’ar ngorow, ‘Mu unew ngog.’ Me fulweg Jesus ngak ni ga’ar, ‘Ere mman ma ga rin’ ni aram rogon.’ Fa’an gu ra t’uf romed, ma gimed ra fol ko tin kug ta’chiylen ngomed.’
“Dared ngad leked Ir. Dared ngad boeded ir nge ngongol rok nib mangil. Ngad tayed fan e thin Rok. Napa’an ni gadad ra rin’ ni woed rogon niba a’dag, ma kad pi’iyed ngak fare magar rodad.”8
© 2016 by Intellectual Reserve, Inc. Gubin mabay mat’won. Kan yoloey u Meriken. Kan micheg nag ko thin nu Ngalis: 6/16. Micheg i pilyeg: 6/16. Pilyeg thin ko First Presidency Message, October 2016. Yapese. 12870 905
Rogon ni ngan Fil ko Biney e Mulwol
President Monson e ke fil ngodad kanawo’en ni rayog ni ngad thapaged fapi taw’ath napan ni gadad ra fol, ma kura un gelngiy, nge luwan’, nge falfalan’, nge gapas ngay. Mu fith ngak e picha’en ni gabe michib ngorad ko uw rogon ni yibe taw’ath nagrad napan ni yad ra fol ko fare motochiyel. Rayog ni ngam mog ngorad ni ku rayog ni ngar yoloyed fapi taw’ath nge thatham rorad nga but’ ngabang ko babyor. Ma ku rayog ni ngam mog ngorad ni rayog ni ngar pininged e magar ngak Got ko fapi taw’ath rorad u fithik e fol ni yad be dag ngak.