2016
Ewe Famini Mi Kefinita me ren Kot.
October 2016

Poraus seni Fefin Chon Amwa, October 2016

Ewe Famini Mi Kefinita me ren Kot

Anneani ekkei poraus fiti iotek me kutta om kopwe sinei met kopwe aporausa. Ifa ussun om weweiti “An ewe Famini: Esinesin ngeni ei Fonufan” a anapano om nuku non Kot me efeiochu ekkewe ka tumunur ren chon amwa? Ren pwan ekkoch poraus, kopwe no ngeni reliefsociety.lds.org.

Nuku, Famini, Aninis

“Non ekkewe kapasen [ewe konun Kinter], ‘The Family Is of God,’ … a achema ngenikich ussun ewe kapasen Kot mi unusoch,” Carole M. Stephens, Aewin Chon Aninis non ewe Mwichenapen Presetensi ren Fin Anisi Unus, a apasa. “Sise chok kaeo pwe ewe famini an Kot nge pwan kich chon an Kot ewe famini. …

“… Ewe kokkot an ewe Sam ren Noun kewe ew kokotun tong. Ew kokot an epwe ochufengeni Noun kewe—An famini—ren I.”1

Elter L. Tom Perry (1922–2015) seni ewe Mwichen Engon me Ruemon Aposel a apasa: “Sia pwan nuku pwe famini non pekin oreni mi pochokun esap chok mecheresin kinikinin ew mwicheichen aramas ese pwan momokut ika sisiwin, ew nonnomun minen moni ese sisiwin ika momokut, me ew pochokunen pekin oreni mi auchea—nge pwan ir mecheresin kinikin feinfeino me ir minen ewe muu me kofomen an Kot.

“Sia nuku pwe ewe mwicheichen me kofomenun nang epwe kouta arun famini me aramasen ar kewe famini.”2

“Meinisin, ese pwan nifinifin ika met nonomur ika ir mi pupunu ika rese pupunu ika fitemon semirit, ra tongeni chon anisi an ewe Samon ewe kokkot a awewetiw non ewe esinesinen famini,” Bonnie L. Oscarson, ewe Preseten ren Mwichen Ekkewe Fopun Unus a apasa. Ika pwe an ewe Samon ewe kokkot, epwe pwan ach kokkot!”3

Pwan ekkoch Wokisin

Doctrine and Covenants 2:1–3; 132:19

Annukun ewe Famini

Sister Julie B. Beck, ewe Presetenin Mwichen Fin Anisi Unus akkom, a aitikich pwe ewe porousen famini a anongonong won ewe Foruta, ewe Turutiw, me ewe Achesefanin Jises Kraist.

“Ewe Forutan fonufan a awora ew neni ikewe famini repwe tongeni nonnom ie. Kot a forata emon mwan me emon fefin ekkewe ruemon ra namot ngeni nesopun famini. Ina ewe kinikinin an Samach won Nang ewe kokkot pwe Adam me Eve repwe riri fengen me forata ew famini fochofoch.

“… Ewe Turutiw a fori an epwe tufich ren ir ar repwe tongeni nounou at me nengin.

“[An Kraist] ewe Achasefan a mutata an ewe famini repwe riri fengen feinfeinno. A mut ngeni famini an epwe wor ar fefeita me unusoch feinfeino. Ewe kokkotun pwapwa, a pwan iteni ewe kokkotun manau ese much, ew kokkot a for fan iten famini. …

“… Iei an Kraist ewe annuk. … Ika ese wor famini, ese wor kokkot; ese wor namoten ach manau.”4

© 2016 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/16. Kapungunon chiakun: 6/16. Chiakun Visiting Teaching Message, October 2016. Chuukese. 12870 901

Esinesin

  1. Carole M. Stephens, “The Family Is of God,” Liahona, May 2015, 11, 13.

  2. L. Tom Perry, “Why Marriage and Family Matter—Everywhere in the World,” Liahona, May 2015, 41.

  3. Bonnie L. Oscarson, “Defenders of the Family Proclamation,” Liahona, May 2015, 15.

  4. Julie B. Beck, “Teaching the Doctrine of the Family,” Liahona, Mar. 2011, 32, 34.

Ekkieki Usun Ei

Pwata ewe famini a kon auchea non fansoun me feinfeino chok?