2016
Edi Abasi Ekemek Ufokemana Enim
October 2016

Etop eke Visiting Teaching, Ofiong Duop ke isua 2016

Edi Abasi Ekemek Ufokemana Enim

Bong akam kpeb nkpo emi ndien yom ndidiongo se ekpebuanade. Didie ke ndifiok Ufokemana, Etop emi enode Ererimbot, edi-nam mbuotidem mbufo ke Abasi okori onyung odiong mbon owo emi mbufo esede enyin oto ke ndikise iban? Ke oyomde ndifiok awak, ka ke reliefsociety.lds.org.

Mbuotidem, Ufokemana, Unwam

Didie ke ndifiok “Ufokemana: Etop emi enode Ererimbot” edi-nam mbuotidem mbufo ke Abasi okori onyung odiong mbon owo emi mbufo esede enyin oto ke ndikise iban? “Nnyin ikpebke kpot ete ke Abas enyene ufokemana edi nko ikpeb ete ke nnyin kiet-kiet idi mbak ke ufokemana eke Abasi. …

“… Uduak Ete kabanga ndito Esie edi uduak eke ima. Edi uduak man adian ndito Esie—ufokemana Esie—ye Enye.”1

Elder L. Tom Perry (1922–2015) eke Eboho mme Apostles Duopeba okodoho ete ke: Nnyin nko imenim ete ke idihe mme nti ido-eset ufokemana kpot edi mme akpan ndaha eke nworo-nda obio, nworo-nda mbubehe, ye nworo-nda edu-uwem eke ufon—edi mmo nko mme akpan-ndaha eke nsinsi ye eke obio ubong ye ukara eke Abasi.

“Nnyin imenim ete ke edibop ndutum ye ukara eke heaven oto ke mme ufokemana ye ewana ufokemana.”2

Sister Bonnie L. Oscarson, Akwa Adaibuot eke Nkaiferi Iban odoho ete ke, “Kpukpru owo, ke suto ndaha eke ndo mme ibat ndito ekpedide, ekeme ndikpeme uduak Abasi nte enamde anwanga ke etop eke ufokemana. Edieke oro edide uduak Abasi, oro ekpedi uduak nnyin nko!”3

Mme Itie Nwed Abasi Efen

Doctrine ye Covenants 2:1-3; 132:19

Ntotungo-ukpebnkpo eke Ufokemana

Sister Julie B. Beck, akani Akwa Adaibuot eke Relief Society, ekekpeb ete ke ukpebnkpo iko Abasi eke ufokemana okongo ke Utom-edibot, Iduo, ye Uwa-isio-isop eke Jesus Christ.

“Utom-edibot eke isong ama ono ebiet emi mme ufokemana edikemede ndidung. Abasi okobot eren kiet ye nnwan kiet emi ekedide mme mbahare ata akpan nkpo iba eke ufokemana. Oro ekedi ubak-nkpo ke uduak eke Ete ke Enyong man Adam ye Eve ekpedian-ndo enyung ekabare edi nsinsi ufokemana.

“… Iduo ama anam usung oro emem ono mmo ndinyene ndito iren ye iban.

“Uwa-usio-isop eke [Christ] ama enyime ono ufokemana man ekpedian-ndo otokiet ke nsinsi. Oro ama enyime ono mme ufokemana ndinyene nsinsi nkori ye mfon-mma. Uduak inemesit, emi ekotde nko nte uduak erinyanga-ukpong, ekedi uduak emi ekebotde enim eno mme ufokemana. …

“… Emi ekedi ntotungo-ukpebnkpo eke Christ. “… Emi ekedi ntotungo-ukpebnkpo eke Christ.”4

© 2016 eketode Intellectual Reserve, Inc. Emenim kpukpru unen. Ekeming ke USA. Enyime edikabare ke Iko Mbakara: 6/16. Enyime edikabarel: 6/16. Edikabare Etop eke Visiting Teaching Message, October 2016. Efik. 12870 553

Mkpri-nwed

  1. Carole M. Stephens, “Edi Abasi Enyene Ufokemana,” Liahona, May 2015, 11.

  2. L. Tom Perry, “Ntak Ndo ye Ufokemana edide Akpan-nkpo–ke Kpukpru ebiet ke Ererimbot, Liahona, May 2015, 41.

  3. Bonnie L. Oscarson, “Mme Andikpeme Etop eke Ufokemana,” Liahona, May 2015, 15.

  4. Julie B. Beck, “Edikpeb Ntotungo-ukpebnkpo eke Ufokemana,” Liahona, May 2011, 32, 34.

Kere-banga Emi

Nsidi ntak emi ufokemana edide ata akpan ebiet ke uwem-isong ye ke nsinsi?