Messaġġ tal-Għalliema taż-Żjajjar, Ottubru 2016
Il-Familja Hija Ordnata Minn Alla
Bl-għajnuna tat-talb studjaw dan il-materjal u fittxu sabiex ikollkom l-ispirazzjoni ħalli tkunu tafu x’ għandkom taqsmu ma’ ħutkom. Li tifhmu sew “Il-Familja: Proklamazzjoni lid-Dinja” kif jista’ jwassalkom biex tkabbru l-fidi tagħkom f’ Alla u tbierku lil dawk li intom responsabbli tagħhom permezz tat-tagħlim taż-żjajjar? Għal aktar informazzjoni, żuru reliefsociety.lds.org.
Fidi, Familja, Għajnuna
“Kliem il-għanja tal-Primarja, ‘Il-Familja Ġejja Minn Alla,’ … ifakkarna dwar id-duttrina pura,” qalet Carole M. Stephens, l-Ewwel Kunsillier fil-President Ġenerali tas-Soċjetà tal-Għajnuna. “Aħna mhux biss nitgħallmu li l-familja ġejja minn Alla iżda wkoll li aħna lkoll parti mill-familja ta’ Alla. …
“… Il-pjan tal-Missier għal uliedu huwa pjan ta’ mħabba. Huwa pjan biex jgħaqqad lil uliedu—il-familja Tiegħu—Miegħu.”1
Il-Presbiteru L. Tom Perry (1922–2015) tal-Kworum tat-Tnax-il Appostlu qal: “Aħna nemmnu wkoll li l-familji tradizzjonali u b’ saħħithom mhumiex biss il-unit bażiku ta’ soċjetà stabbli, ekonomija stabbli u kultura ta’ valuri stabbli—iżda li huma wkoll il-units bażiċi tal-eternità u tas-saltna u l-gvern ta’ Alla.
“Aħna nemmnu li l-organizzazzjoni u l-gvern tas-sema se jinbena madwar il-familji u l-familji estiżi.”2
“Kull persuna, hi x’inhi ċ-ċirkustanza tagħha fiż-żwieġ jew għandha kemm għandha tfal, tista’ tkun difensura tal-pjan tal-Mulej kif deskritt fil-proklamazzjoni tal-familja,” qalet Bonnie L. Oscarson, il-President Ġenerali tat-Tfajliet. “Jekk dan huwa l-pjan tal-Mulej, għandu jkun ukoll il-pjan tagħna!”3
Skrittura Addizzjonali
Duttrina tal-Familja
Sister Julie B. Beck, li kienet President Ġenerali tas-Soċjetà tal-Għajnuna, għallmet li t-teoloġija tal-familja hija bbażata fuq il-Ħolqien, il-Waqgħa u l-Att tal-Fidwa ta’ Ġesù Kristu:
“Il-Ħolqien tad-dinja pprovda post li fih jistgħu jgħixu l-familji. Alla ħoloq raġel u mara li kienu ż-żewġ nofsijiet essenzjali ta’ familja. Kien parti mill-pjan ta’ Missierna tas-Smewwiet li Adam u Eva jiġu ssiġillati u flimkien jiffurmaw familja eterna.
“… Il-Waqgħa għamlitha possibbli li huma jkollhom it-tfal.
“L-Att tal-Fidwa ta’ Kristu jagħti ċ-ċans li l-familja tiġi ssiġillata flimkien għall-eternità. Jagħti ċ-ċans li l-familji jkollhom tkabbir etern u perfezzjoni eterna. Il-pjan ta’ ferħ, li jissejjaħ ukoll il-pjan tas-salvazzjoni, kien pjan li ġie maħluq għall-familji. …
“… Din kienet id-duttrina ta’ Kristu. … Mingħajr il-familja, m’hemm l-ebda pjan; m’hemm l-ebda raġuni għall-ħajja mortali.”4
© 2016 minn Intellectual Reserve, Inc. Id-drittijiet kollha riservati. Stampat fil-Ġermanja. Approvazzjoni bl-Ingliż: 6/16. Approvazzjoni tat-traduzzjoni: 6/16. Traduzzjoni ta’ Visiting Teaching Message, October 2016. Maltese. 12870 159
Ikkunsidraw Dan
Għaliex il-familja hija l-aktar unit importanti, kemm f’ din il-ħajja, kif ukoll fl-eternità?