Kairake

Ko na Kanga n Uringa te Tia Kamaiu n te Wiiki Aei?

E kauringiira Beretitenti Eyring bwa ti na “rineia n uringa [te Tia Kamaiu] n te kawai are e na anaa nanom nako Ina.”

Ko kanga n “Ururingnga n taainako” ni kabutaa te wiiki (taraa D&C 20:77, 79)?

Iai am kibu ae mamate nanom iai iaon te Tia Kamaiu? Ko kona ni mwaakena te kibu ae kaokoro ni katoa bong n te wiiki aei ao n tibwauaia ma temanna.

Ke anenea te kuna ke te anene teuana riki ae kairaki iroun te tamnei ngkana ko namakina te aki kukurei? Tao ko na rinea teuana are e kaineti ma te Tia Kamaiu n te wiiki aei.

Ko iangoa raoi maiun te Tia Kamaiu ao ana karea ni kamaiu n tain te toa ni katoa wiiki? Ko kona ni katauraoi ibukin te toa man uringakin am rinerine inanon te wiiki n uringa te Tia Kamaiu n taainako ao n raira nanom ngke ko rinanon te kaangaanga.

Ko tataro ibukin reken taai n tibwaua te euangkerio ni katoa bong? Kataia ni karekea te marooro iaon te euangkerio n te wiiki aei are e kaineti ma te Tia Kamaiu. Ko kona ni kaota am koaua iroun te Tia Kamaiu n tain te bootaki n utu n te tairiki ke taetae nakon raoraom n te reirei iaon te atatai ae ko a tia ni karekea n te taromauri.

Katea te kouru n uringa te Tia Kamaiu n te kawai ae onoti n te wiiki aei. Tuanga te karo, tarim ao mwaanem, te tia kairiiri, ke raoraom taekan am kouru. N tokin te wiiki, tuangiia te bwai ae a tia n riki. Kam na namakina te rau ao te kukurei n te bwai ae taekinna Beretitenti Eyring.