Lamharon

Paano Mo Dumdumon ang Manluluwas Sini nga Semana?

Si Pangulong Eyring nagapaisog sa aton nga “pilion nga dumdumon [ang Manluluwas] sa paagi nga nagapalapit sing maayo sang inyo tagipusuon sa Iya.”

Paano ninyo “ginadumdum Sia pirme” sa bilog nga semana (tan-awa sa D&C 20:77, 79)?

May paborito bala kamo nga balaan nga kasulatan parte sa Manluluwas? Sarang ninyo pat-inan ang nagkalain-lain nga balaan nga mga kasulatan tagsa ka adlaw sini nga semana kag ipaambit ini sa isa ka tawo.

Nagakanta bala kamo sang himno ukon isa ka makainspirar nga ambahanon sa inyo hunahuna kon nagabatyag kamo sang kasubo? Mahimo nga magpili sang isa nga parte gid sa Manluluwas sini nga semana.

Ginapanumdum bala ninyo ang kabuhi kag nagapasag-uli nga sakripisyo sang Manluluwas sa tion sang sakramento kada semana? Mahimo kamo maghanda para sa sakramento paagi sa pagpanumdum sang inyo ginhimo nga mga pagpili sa bilog nga semana agud dumdumon pirme ang Manluluwas kag maghinulsol sang mga tinion nga nabudlayan kamo sa paghimo sini.

Nagapangamuyo bala kamo para sa tsansa nga magpaambit sang ebanghelyo kada adlaw? Tinguhai nga maghiwat sang paghinambalanay parte sa ebanghelyo sini nga semana nahanungod gid lang sa Manluluwas. Mahimo kamo maghatag sang inyo panaksihon parte sa Manluluwas sa tion sang family home evening ukon magsugilanon sa isa ka abyan sa eskwelahan parte sa isa ka eksperiyensia ninyo sa simbahan.

Himoa nga buluhaton ang dumdumon ang Manluluwas sa isa ka espesyal nga paagi sini nga semana. Sugiri ang isa ka ginikanan, utod, lider, ukon isa ka abyan parte sang imo plano. Sa katapusan sang semana, sugiri sila kon ano ang natabo. Mabatyagan ninyo alangay ang paghidaet kag kalipay nga ginahambal ni President Eyring.