Mwet Fuhsr

Kom ac Esam Fuhkah Mwet Lahngo ke Wik se Inge?

Prestuhn Eyring el ahkkweye kuht in “sulaclah in esam [Mwet Lahngo] ke luhma ma lihksreni na eis nuhnkom nuh Sel.”

Kom “Esamuhl pacl nuhkwewa” fuhkah ke wik sacn (liye D&C 20:77, 79)?

Kuh oasr ma suhmuhslah ma kom luhngse emet ke Mwet Lahngo? Kom kuh in mahkiyac siena fuhs ke ma suhmuhslah ke kais sie lwen ac sruhmuhn kac nuh sin sie mwet ah.

Kuh kom onkihn on kuh kuhtwena on engan sahyac ma oasr insiyom in pacl kom suhpwacr uh? Sahp kom sulaclah soko on ma yohk na ma ke Mwet Lahngo ke wik se inge.

Kuh kom motko ke moul luhn Mwet Lahngo ac ke kihsac in iwaclah ke pacl in sackracmacn ke wik nuhkwewa? Kom kuh in ahkolah nuhke kuhfa luhn Leum uh ke esamyacn sulaclah lom ke wik sacn nohfohn in esam Mwet Lahngo pacl nuhkwewa ac in auliyak ke pacl kom tihkuclkucl.

Kuh kom pruhe tuh in oasr pacl in sruhmuhn ke wosasuc ke kais sie lwen? Srihke in oasr pacl in sruhmuhn ke wosasuc ke wik se inge in ma ke Mwet Lahngo. Kom kuh in fahkwack luhlahlfongi lom ke Mwet Lahngo ke ekuh in toeni luhn sucu kuh sramsram nuh sin sie kawuck ke acn in lutlut ah ke puhla lom ke alu uh.

Oraclah sie finsrak an in esam Mwet Lahngo ke ohiyac wowo ke wik se inge. Fahk nuh sin ninac pahpah an, ma wiyac, mwet kol, kuh sie kawuck ke finsrak lom uh. Ke kapihn wik sacn, sruhmuhn nuh selos lah meac sikyak. Kom ac puhla kwewa na mihslac ac engan ma Prestuhn Eyring el fahk kac ah.