Pweng sin Prestuhnsi Se Met, Tisacmpuh 2016
Mihslac ke Moul Se Inge
Prestuhn Henry B. Eyring
Mwet in Kahsruh Se Met ke Prestuhnsi Se Met
Nuh sesr kwewa suc moul facluh, tuh Mwet Lahngo El fahk, “Ke kowos muta faclu kowos ac keok” (John16:33). Ne ohinge El sang olwelah se inge nuh sin mwet tuhma lutlut Lal ke kuhlwacnsap Lal fin facluh ah: “Nga filiya misla yuruwos. Misla luk sifacna pa nga asot nu suwos. Nga tia asot oana ke faclu asot.” (John 14:27). Wo sihk in etuh lah olwelah in mihslac se inge ahkwot nuh sin mwet tuhma lutlut kwewa Lal mihsenge uh.
Kuhtuh sesr moul yen wolacna ac mihslac, tuhsruhk puhlakihn elyah luhn insiyacsr. Kuhtuh puhla mihslac ac akwuck in pacl ma ongaiyac, wacngihnlac luhn sucu, ongaiyac ac tiac tui luhn mwe sruhf uh.
Sahp kom liye usrnguck luhn mihslac ye muhtuhn mwet tuhma lutlut luhn Jisus Kraist kuh lohng kahs kac. Nga liye pacl na puhs. Kuhtuh pacl uh lun infuckihl ke sie lohm ono uh pa yen sucu uh kahkweni sisken sie mwet kuhlwacnsap luhn God ma fototoyang in misac uh.
Nga esam ke muhtwacta luhk yurin muhtwacn se in lohm ono uh lwen ekahsr met liki el misac ah. Nga us tuhkuh tuhlihk muhtwacn fuhsr luo nuhtihk in wiyuc mweyen tahmtahel se inge el tuh mwet luti lalos ke U luhn Tuhlihk Srihsrihk ac.
Mwet in sucu lal uh kahkweni siskacn mwe oan kiyacl uh, kena in weluhl in kihtin pacl sahflah lal fin facluh uh. Nga lut ke el kweyak muhta ke mwe oan kiyacl ah. El saplakwack nuh sin kwewana tuhlihk muhtwacn intihk ah ac ahkkahlwemyaclos, kais sie, nuh sin kais sie sucu lal ah. El tahfuh sruhluhn tuhlihk muhtwacn nuhtihk inge elos mwet leum sulkackihnyuck ye muhtuhn kasra. El sokwack luhmah se in fahk kais sie ma ke kais sie mwet ke infuckihl sac ekihn mwet tuhma lutlut luhn Mwet Lahngo. Nga srackna esam kuh, kuhlwacng, ac luhng kuhlwacng ke lihkihn puhsrwacl. Ac nga esam lut luhk ke isrwacsr na pwacr se lal ah el ne etuh lah pacl lal uh fototo na.
El eis tari mwe insewowo luhn pristut, ne ohinge el use nuh sesr kwewa mwe fahkwack ke luhlahlfongi moul lal lah olwelah ke mihslac luhn Leum pwacye: “Nga fahkot nu suwos ma inge tuh in oasr misla yuruwos ke kowos kupasrme nu sik. Ke kowos muta faclu kowos ac keok. Tusruktu kowos in pulaik na! Nga kutangla falu tari!” (John 16:33).
El insese nuh ke solsol Lal uh, oacna ke kuht nohfohn kuh uh, ke oacna sie ma upac ac fohs lasr uh:
“Fahsru nu yuruk, kowos su orekma ac totola, tuh nga fah sot mongla nu suwos.
“Eis srenenu luk nu fowos ac lutlut sik, tuh nga fakpap ac inse pusisel; ac kowos fah konauk mongla” (Matthew 11:28–29).
Ukweyacn Mwet Lahngo muhkwena pa sis oacna sie sesr kuh in konwacack mihslac ac akwuck ke mwe sruhf ma ac tuhkuh nuh sesr kwewa uh.
Pruhe ke sackracmacn uh kahsrwe kuht in etuh sukyacn mihslac sacn finne oasr ke elyah luhn moul uh. Ke kuht ipeis ke kuhfa luhn leum uh, kuht kuh in otwelah in oaru nuhke wuhlweacng lasr in Ukwacl.
Kuht kais sie olwelah in esam Mwet Lahngo. Kom kuh in sulaclah in Esamuhl ke ohiyac ma wo sum sifacna ma fihsrwacsr in kohllah insiyom nuh Sel. Kuhtuh pacl uh sihk, pa in liyacl ke nuhnak luhk uh ke El sikuck muhtuhnte ke Imac Gethsemane kuh in liyacl ke El pahnglol Lazarus in illac liki kuclyuck uh. Ke nga oruh uh, nga puhlakihn fototoeni luhk nuh Sel ac tarilacna se suc use mihslac nuh insiyuck.
Kowos olwelah pac in karihngihn masap Lal uh. Kowos olwelah in eis Inel nuh fowos ac in mwet loh Lal. El olwelah muh ke kowos karihngihn olwelah lowos nuh Sel uh, Nguhn Muhtahl fah wi kowos. (Liye D&C 20:77, 79.)
Ma se inge use mihslac ke inkacnek luo. Nguhn Muhtahl ahknwacsnwacsye kuht liki ma koluk ke srihpen Iwaclah luhn Jisus Kraist. Ac Nguhn Muhtahl kuh in use nuh sesr mihslac suc tuhkuh ke lwelah sin God ac finsrak nuhke moul ma pahtpaht.
Mwet Sap Paul el fahk ke mwe insewowo wolacna se inge: “A fahko lun Ngun pa lungse, engan, misla, mongfisrasr, kulang, orekma wo, oaru,” (Galatians 5:22).
Ke pweng sin lihpufacn yuckihn isuslac luhn Mwet Lahngo ah, elos fahk, “Wolana nu sin God in fulatlana, Ac misla fin faclu” (Luke 2:14; ahkuhtweyac wo ituckyang). Nga fahkwack luhlahlfongi luhk ekihn sie mwet loh luhn Jisus Kraist lah Pahpah ac Wen Kuloh Nahtuhl kuh in suhpwacma Nguhn in lwelah nuh sesr in sokwack mihslac ke moul se inge, finne kain in mwe srihkeyuck fah sun kuht ac elos suc kuht luhngse.
© 2016 sel Intellectual Reserve, Inc. Kuh ac suwohs nuhkwewa ahkkweyeyucklac. Sihmlac fin acn USA. Ahkkweyeyucklac ke kahs English: 6/16. Ahkkweyeyucklac ke lweng: 6/16. Lwenglah luhn First Presidency Message, December 2016. Kosraean. 12872 868
Luti ke Pweng Se Inge
Prestuhn Eyring el luti lah pruhe in kuhfa luhn leum uh kuh in kahsrwe kuht in konwacack mihslac ke pacl mwe sruhf nuh sesr uh. Elos ahkacsmakihnye kuht lah ke kuht karihngihn wuhlweacng lasr uh, olwelah luhn God oasr sesr muh Nguhn Muhtahl ac wi kuht. Motko in siyuck selos suc kom luti an ohihyac ma kolyuck luhn Nguhn Muhtahl nuh sesr uh kuh in kahsrwe kuht use mihslac. Kom kuh pac in sruhmuhn nuhnak lom kuh sie ma kom puhlakihn ke ohiyac malah Nguhn Muhtahl kahsrwe kom puhla mihslac ke sie mwe sruhf. Kom ac ahkkweyelos mwet kom luti an in motko mwe fahkwack se inge ke puhlan wik in kuhfa luhn Leum se inge.