2016
Engan in Sucu El Loh ke Suwohswohs
December 2016

Pweng sin Mwet Forfor Luti, Tisacmpuh 2016

Engan in Sucu Konweyuckyak ke Suwohswohs uh

Pruhe in lutlutkihn kuhfa se inge ac suk kolyuck in etuh ma in akacsruhi kac. In kahlwem ke “Sucu: Sie Mwe Fahkwack nuh fin Facluh” ac ahkyohkye fuhkah luhlahlfongi lom ke God ac ahkinsewowoye mwet kom karihngihn ke forfor luti uh? Nuh ke kuhtuh pac ma in etuh, som nuh ke reliefsociety.lds.org.

Luhlahlfongi, Sucu, Kahsruh

God “El oakiyac sucu uh in use engan nuh sesr, in kahsruh luti kuht mwe luti pwacye ke inse luhngse, ac in ahkoe kuht nuh ke moul ma pahtpaht.”1 Ke “plwacn wolacna luhn engan” luhn God uh (Alma 42:8), Prestuhn Russell M. Nelson, Prestuhn ke U luhn Mwet Sap Singucul Luo ah, el fahk: “Plwacn se lal uh fahkwack lah mukul ac muhtwacn uh elos ohinge ‘tuh elos in kuh in engan’ [2 Nephi 2:25]. Engan sacn tuhkuh ke kuht sulaclah in moul fal nuh ke plwacn ma pahtpaht luhn God uh.”2

Moul luhn Kraist in lohm uh acse pacl wo in kapwack. Elder Richard G. Scott (1928–2015) ke U luhn Mwet Sap Singucul Luo uh el ahkuhtweyac lah oacna acn se “ma wosasuc uh lutiyuck we, olwelah uh liyeyuckyang, ac luhngse uh sesseslah,” ma sucu uh kuh in moulkihn “sie moul ahkostwen” ac eklac “arlac akwucki kuh ke wosasuc luhn Jisus Kraist uh.”3

Prestuhn Henry B. Eyring, Mwet Kahsruh Se Met ke Prestuhnsi Se Met, el fahk: “Kuht kuh in otwelah muh kuht ac oruh ke kuhiyacsr kwewa in isyac kuh luhn inkuhsrao nuh in sucu [lasr] uh.” Ac yohk na kuht ke ahkyohkye luhngse, kuhlwacnsap, ahkostwen ac engan in lohm sesr sin “[tuhlihk nahtuhsr uh] in lohng kahs luhn God ac srihke orekmakihn ke luhlahlfongi. Fin elos oruh, luhmahlos ac fah eklac ke atac ma ac tahknwelihk engan ma luhlahp suc elos suk.”4

Moul luhn Kraist in Lohm an

Oasr mwet srihkasrak lasr ke moul luhn Kraist in lohm ah ke ma suhmuhslah uh. Tukun pahpah tuhmwacl, Lehi, el misac, Nephi el us sucu lal ac elos sahyac suc luhlahlfongi ma sulkackihnyuck ac mwe fahkwack luhn God ac ma lohng kahs lal Nephi som liki acn luhn Mwet Laman ah. In acn sasuc se inge, Mwet Nephi ac in kuh in karihngihn nuhnuhnkuh, masap sihmlac, masap luhn Leum in ma nuh kwewa, in fal nuh ke masap lal Moses (liye 2 Nephi 5:6–10). Ne ke pacna inmahsrlon Mwet Nephi ac, kuhtuh selos fahfahlac ne eklac seahkostwenlac.

Ac ke pacl mempucr ke sucu lasr uh kuh in kuhtuh pacl uh som liki ma suwohswohs oacna Mwet Nephi ac, Elder Scott el fahk lah iwen sie sucu ma srwackna moulkihn Kraist “kahsruh yohk ip luhn mihslac ac karihngihnyuck in lohm sesr uh.” El ahkkahlwemye tari lah “ac tuhfah puhs mwe srihkasrak kuh inse waek, tuh finne in pacl fohs, kuht kuh in moul engankihn inse mihslac ac engan luhlahp.”5

Ma Suhmuhslah Ituckyang Sahyac

3 John 1:4; 1 Nephi 8:12; 2 Nephi 5:27

© 2016 sel Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/16. Ahkkweyeyucklac ke lweng: 6/16. Lwenglah luhn Visiting Teaching Message, December 2016. Kosraean. 12872 868

Mwe kahsruh

  1. Handbook 2: Administering the Church (2010), 1.1.4.

  2. Russell M. Nelson, “Celestial Marriage,” Liahona, Nohfuhmpuh 2008, 92.

  3. Richard G. Scott, “For Peace at Home,” Liahona, Mei 2013, 30, 31.

  4. Henry B. Eyring, “Luti Ke ‘Sucu Uh: Sie Mwe Fahkwack Nuh Facluh,’” New Era, Septempuh 2015, 5, 6.

  5. Richard G. Scott, “For Peace at Home,” 31.

Nuhnkuh Ma Inge

Meac kuht kuh in oruh in moul suwohswohs na in sucu lasr uh?

Print