Yut

Wan Smael I Save Mekem Jenis

Presiden Uchtdorf i soem tufala gol we yumi mas gat long ol aksen blong yumi: lavem God mo lavem ol naraman. Be samtaem i no isi blong lavem ol naraman. Long laef blong yu, bae i gat ol taem we yu faenem i had blong toktok wetem ol naraman—ating man ia i mekem yu harem nogud o yu gat had taem blong toktok wetem hem o wok kolosap wetem hem . Long ol taem olsem, traem blong tingbaot lav we ol fren, ol famli, Papa long Heven, mo Jisas Kraes i gat from yu. Tingbaot ol glad we yu filim long ol situesen olsem mo traem blong pikjarem sapos evriwan i gat janis ia blong filim kaen lav ia. Tingbaot se evriwan i wan pikinini gel o pikinini boe blong God mo hem i nidim tugeta lav, lav blong Hem mo lav blong yu.

Tingbaot wan man long laef blong yu we yu faenem had taem blong toktok wetem hem. Tingbaot olgeta long ol prea blong yu mo askem Papa long Heven blong openem hat blong yu i go long olgeta. I no longtaem bae yu stat blong lukluk long olgeta olsem Hem: olsem wan long ol pikinini blong Hem we i nidim lav.

Afta long prea blong yu, !mekem wan naes samting long olgeta! Maet bae yu invaetem olgeta long wan Miutuol aktiviti o go aot wetem ol fren. Askem blong helpem olgeta long wan homwok asaenmen. Jes talem “alo” mo smael long olgeta. Ol smol samting ia i save mekem wan bigfala jenis…! long laef blong yutufala tugeta!