Visiting Tijing Mesej, Jenuware 2017
Stamba Tingting blong Rilif Sosaeti
Stadi long toktok ia wetem prea mo luklukgud blong kasem insperesen blong save wanem blong serem.
Fet, Famli, Help
Stamba tingting blong Rilif Sosaeti i blong “rere long ol woman from blesing blong laef we i no save fins,” Linda K Beton, Rilif Sosaeti Jenerol Presien i talem.1 Hem tru long fet, famli, mo help we i holem taet yumi long ol “impoten pat insaed long wok ia.”2
Rilif Sosaeti hem i “wan wok blong wol ia mo wok long saed blong spirit,” Carole M. Stephens, Fas Kaonsela insaed long Rilif Sosaeti Jenerol Presidensi i talem. “Hemia nao wanem we ol woman i mekem long dei blong Sevya mo hemia i wanem we yumi gohed blong mekem.”3
Taem yumi lukluk long woman Samaria long saed blong wel, we i lego botel wota blong hem mo ron blong talem long ol nara wan se Jisas Hem i wan profet (luk Jon 4:6–42), o Febe, we i givim seves long ol nara man wetem plante glad long ful laef blong hem (luk Romans 16:1–2), yumi luk ol eksampol blong ol woman long dei blong Sevya we oli bin traehad blong kam kolosap long Kraes. Hem i Hem we i openem wei blong yumi long laef we i no save finis (luk Jon 3:16).
Taem yumi luk long ol paeonia sista blong yumi long Naovu, Ilinoi, we oli go tugeta long haos blong Sara Kimbal long 1842 blong fomem wan oganaesesen blong olgeta, yumi luk plan blong God blong statem Rilif Sosaeti blong i wok kolosap wetem prishud. Afta Elisa R. Sno i bin raetem wan loa, Profet Josef Smit i bin lukluk tru long hem. Hem i luk save se Jos i no oganaes fulwan yet kasem taem we ol woman olioganaes. Hem i talem se Lod i akseptem ol ofring blong olgeta be i gat wan samting i moa gud yet i stap. “Bae mi oganaesem ol woman wetem paoa blong prishid folem semak fasin we ol prishud i folem,” hem i talem.4
“Ol Rilif Sosaeti oli no wan narafala grup blong ol woman nomo, we oli traem blong mekem gud long wol. Hem i difren. Hem wan ‘samting we i moa gud’’ from hem i bin oganaes wetem paoa blong prishud. Oganaesesen ia i impoten blong muvum wok blong God long wol ia.”5
Moa Skripja mo infomesen
Doctrine and Covenants 25:2–3, 10; 88:73; reliefsociety.lds.org
© 2017 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/16 Oli letem translesen: 6/16 Translesen blong Visiting Teaching Message, January 2017. Bislama. 97921 852
Tingting long Hemia
?Olsem wanem nao Rilif Sosaeti i helpem ol woman blong fulfilim tabu wok we Papa long Heven i gat blong olgeta, mo lidim olgeta i go long laef we i no save finis?