iTabagone

Na Matadredredre E Rawa ni Vakayaco-Ka

Sa mai vakatakila o Peresitedi Uchtdorf e rua na lalawa me sa noda ivalavala: o ya meda lomana na Kalou ka lomani ira na wekada na tamata. Ia eso na gauna e sega ni ka rawarawa meda lomani ira na tamata. Ena gauna taucoko ni nomu bula, o na raica ni so na gauna ena dredre mo veimaliwai kei ira eso—e rairai dua beka a vakacudrui iko se a dredre mo vosa se veiyaloni kei na dua tale. Ena veigauna vakaoqo, tovolea mo nanuma na loloma o vakila mai vei ira na nomu itokani, matavuvale, Tamamu Vakalomalagi, kei Jisu Karisito. Nanuma na reki o a vakila ena gauna vakaoqori ka saga mo raitayalotaka me ra vakila na tamata yadua na loloma vakaoqo. Mo nanuma tiko ni tamata yadua sa luvena yalewa se luvena tagane na Kalou ka sa nodra na Nona loloma vakakina mai vei iko.

Vakasamataka e dua na tamata ena nomu bula a dredre mo veimaliwai vata kei koya. Mo okati ira ena nomu masu ka kerea vua na Tamada Vakalomalagi me dolava na yalomu vei ira. Ena totolo sara na nomu raici ira ena ka e cakava o Koya: ni sa dua vei ira na Luvena e kilikili me lomani.

Ni ko sa masu oti, cakava e dua na ka vinaka vei ira! Sa rawa mo sureti ira ki na itaviqaravi ni Muavata se gade kei ira na itokani. Sa rawa mo veivuke ena cakacaka ni vuli e vale. Sa rawa mo “vaka bula” ka matadredredre yani vei ira. Na veika lalai ena rawa me vakayaco-ka lelevu … ena nomudrau bula!