iVaqa ni Veisiko, Janueri 2017

Na iNaki ni iSoqosoqo ni Veivukei

Vulica ena masumasu na itukutuku oqo ka vakasaqara na veivakauqeti mo kila na ka me wasei.

Vakabauta, Matavuvale, Veivukei

Na inaki ni iSoqosoqo ni Veivukei o ya me ra “vakarautaki na marama ki na nodra vakalougatataki ki na bula tawamudu,” e kaya o Linda K. Burton, na Peresitedi Raraba ni iSoqosoqo ni Veivukei.¹ Ena noda vakabauta, matavuvale, kei na veivueti eda sa cakacakataka kina na “noda itavi bibi ena cakacaka oqo.”²

Na iSoqosoqo ni Veivukei sa “dua na cakacaka vakayago ka vakayalo,” e kaya o Carole M. Stephens, iMatai ni Daunivakasala ena Mataveiliutaki Raraba ni iSoqosoqo ni Veivukei. “Oqori na veika era cakava na marama ena nona gauna na iVakabula, ka sai koya qori na ka meda cakava tikoga.”³

Ni da raici koya na marama ni Samaria ena keli ni wai, ka a biuta tu na nona itakitaki ni wai ka laki tukutuku vei ira na tamata ni o Jisu e dua na parofita (raica na Joni 4:6–42),se kivei Fipi, ka dau marautaka na nona qaravi ira na tamata ena nona bula (raica na Roma 16:1-2), eda raica nodra ivakaraitaki na marama ena nona gauna na iVakabula era a gugumatua ena nodra lako vei Karisito. Sai Koya ga sa tadolava na noda sala ki na bula tawamudu (raica na Joni 3:16).

Ni da raici ira na marama painia e Nauvoo, Illinois, era soqoni vata yani ena itikotiko nei Sarah Kimball ena 1842 me ra tauyavutaka na nodra isoqosoqo, eda raica kina na ituvatuva ni Kalou ena kena tavoci na iSoqosoqo ni Veivukei ka salavata kei na matabete. Ni sa vola oti o Eliza R. Snow e dua na lawatu, a laki dikeva o Parofita Josefa Simici. Sa kila o koya ni sega ni taucoko na tauyavu ni Lotu me yacova ni ra sa tauyavu o ira na marama. A kaya ni sa ciqoma na Turaga na nodra isolisoli ia a tiko e dua na ka e vinaka cake. “Au na tauyavutaki ira na marama ena nodra lewa na matabete ena ivakarau ni matabete,” a kaya o koya.⁴

“Na iSoqosoqo ni Veivukei a sega walega ni dua na ilawalawa ni marama era sasaga me ra caka vinaka ena vuravura oqo. E a duatani sara. E a dua na ‘ka e vinaka cake’ baleta ni a tauyavutaki ena lewa ni matabete. Na kena tauyavu a dua na ikalawa bibi ena kena vakatakilai na cakacaka ni Kalou ena vuravura oqo.”⁵

iKuri ni iVolanikalou kei na iTukutuku

Vunau kei na Veiyalayalati 25:2–3, 10; 88:73; reliefsociety.lds.org

© 2017 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me vaka-Valagi: 6/16. Vakadonui me vakadewa: 6/16. Vakadewa ni Visiting Teaching Message, January” 2017. Fijian. 97921 858

Vakasamataka Oqo

Ena veivuke vakacava na iSoqosoqo ni Veivukei vei ira na marama me ra vakayacora rawa vei ira na ilesilesi vakalou ni Tamada Vakalomalagi ka liutaki ira yani ki na bula tawamudu?