Agtutubo

Ti Isem Makaaramid iti Naidumduma

Ibaga ni Presidente Uchtdorf ti dua a panggep a tun-oyen a nasken nga adda kadagiti tignaytayo: ayaten ti Dios ken dagiti padatayo a tao. Ngem no dadduma saan a basta nalaka ti agayat iti dadduma. Iti unos ti biagyo, mabalin nga adda dagiti gundaway a marigatankayo a makipulapol kadagiti dadduma—nalabit adda maysa a nangpasakit kadakayo wenno narigatankayo a nakisarsarita wenno nakilinnangen iti maysa a tao. Kadagitoy a kanito, padasenyo a lagipen ti ayat a nariknayo manipud kadagiti gagayyem, kapamilia, iti Nailangitan nga Ama, ken ni Jesucristo. Lagipenyo ti ragsak a nariknayo kadagita a situasion ket padasenyo a panunoten no addaan ti tunggal maysa iti gundaway a mangrikna iti kasta nga ayat. Laglagipenyo a ti tunggal maysa ket anak ti Dios ket maikari iti agpada nga ayatna ken ti ayatyo.

Panunoten ti maysa a tao iti biagyo a narigatankayo a nakilinnangen. Iramanyo ida kadagiti kararagyo ket idawatyo iti Nailangitan nga Ama a luktanna koma ti pusoyo kadakuada. Iti mabiit mangrugi a makitayo kadakuada ti inaramidna: kas maysa kadagiti annakna a maikari iti ayat.

Kalpasan a nagkararagkayo, agaramidkayo iti maysa a nasayaat a banag para kadakuada! Nalabit nga awisenyo ida iti maysa nga aktibidad ti Mutual wenno panagpasiar a kadua dagiti gagayyem. Idiayayo a tulongan iti homework assignment. Isaoyo ti “hello” ket umisem kadakuada. Makaaramid dagiti babassit a banag iti dakkel a pagdumaam … iti biagyo nga agpada!