ຊາວໜຸ່ມ
ຮອຍຍິ້ມສາມາດສ້າງຄວາມແຕກຕ່າງໄດ້
ປະທານອຸກດອບ ບອກເຖິງຈຸດເປົ້າໝາຍສອງຢ່າງ ທີ່ເຮົາຄວນມີສຳລັບການກະທຳຂອງເຮົາ: ຮັກພຣະເຈົ້າ ແລະ ຮັກເພື່ອນມະນຸດດ້ວຍກັນ. ແຕ່ບາງເທື່ອມັນບໍ່ໄດ້ເປັນສິ່ງງ່າຍທີ່ຈະຮັກຄົນອື່ນ. ຕະຫລອດຊົ່ວຊີວິດຂອງເຈົ້າ, ອາດມີບາງເວລາທີ່ເຈົ້າຈະພົບເຫັນວ່າ ມັນເປັນສິ່ງຍາກທີ່ຈະພົບປະກັບຄົນອື່ນ—ບາງທີ ມີບາງຄົນທີ່ໄດ້ເຮັດໃຫ້ເຈົ້າເຈັບປວດ ຫລື ເຈົ້າມີຄວາມຫຍຸ້ງຍາກເລື່ອງການເວົ້າລົມ ຫລື ເຂົ້າກັບບາງຄົນໄດ້. ໃນຊ່ວງເວລາດັ່ງກ່າວ, ໃຫ້ເຈົ້າພະຍາຍາມລະນຶກເຖິງຄວາມຮັກທີ່ເຈົ້າເຄີຍຮູ້ສຶກຈາກໝູ່ເພື່ອນ, ຄອບຄົວ, ພຣະບິດາເທິງສະຫວັນ, ແລະ ພຣະເຢຊູຄຣິດ. ໃຫ້ຈື່ຈຳຄວາມສຸກທີ່ເຈົ້າເຄີຍຮູ້ສຶກ ໃນສະພາບການເຫລົ່ານັ້ນ ແລະ ພະຍາຍາມວາດພາບເຫັນທຸກຄົນ ຖ້າຫາກເຂົາເຈົ້າມີໂອກາດທີ່ຈະຮູ້ສຶກກັບຄວາມຮັກເຊັ່ນນັ້ນ ເຂົາເຈົ້າຈະເປັນຈັ່ງໃດ. ໃຫ້ຈື່ຈຳໄວ້ວ່າ ທຸກຄົນເປັນທິດາ ຫລື ບຸດຂອງພຣະເຈົ້າ ແລະ ກໍສົມຄວນທີ່ຈະໄດ້ຮັບຄວາມຮັກຈາກພຣະອົງ ແລະ ຈາກເຈົ້າດ້ວຍ.
ໃຫ້ຄິດເຖິງບຸກຄົນໃດບຸກຄົນໜຶ່ງໃນຊີວິດຂອງເຈົ້າ ຜູ້ທີ່ເຈົ້າບໍ່ກິນນິໄສ. ໃຫ້ອະທິຖານເພື່ອເຂົາ ແລະ ທູນຂໍໃຫ້ພຣະບິດາເທິງສະຫວັນ ເປີດໃຈເຈົ້າໃຫ້ກັບບຸກຄົນນັ້ນ. ບໍ່ດົນເຈົ້າຈະເລີ່ມຕົ້ນເຫັນເຂົາຢ່າງທີ່ພຣະອົງເຫັນເຂົາ: ເປັນລູກຄົນໜຶ່ງຂອງພຣະອົງ ທີ່ສົມຄວນທີ່ຈະໄດ້ຮັບຄວາມຮັກ.
ຫລັງຈາກເຈົ້າໄດ້ອະທິຖານແລ້ວ, ໃຫ້ເຈົ້າເຮັດບາງສິ່ງທີ່ດີກັບເຂົາ! ອາດເປັນການເຊື້ອເຊີນເຂົາໃຫ້ໄປຮ່ວມກິດຈະກຳຂອງຊາວໜຸ່ມ ຫລື ອອກໄປທ່ຽວຫລິ້ນກັບໝູ່ເພື່ອນນຳກັນ. ສະເໜີຊ່ວຍເຮັດການບ້ານກັບເຂົາ. ແມ່ນແຕ່ພຽງການເວົ້າຖາມ “ສະບາຍດີ” ແລະ ຍິ້ມໃຫ້ເຂົາ. ສິ່ງເລັກນ້ອຍດັ່ງກ່າວ ສາມາດສ້າງຄວາມແຕກຕ່າງອັນໃຫຍ່ຫລວງໄດ້ … ໃນຊີວິດຂອງທັງສອງຝ່າຍ!