Jodikdik ro

Juon Ettōn̄ Dikdik Emaron̄ Kōm̧m̧an Eļap Oktak

Būreejtōn Uchtdorf ej kalikkar ruo kōttōbar ko ej aikuj wōr ippād n̄an m̧akūtkūt ko ad: iakwe Anij im iakwe ritūrir. Ak jet iien ejjab pidodo n̄an iakwe ro jet. Ilo aolepān mour eo am̧, bōlen elōn̄ iien kwoj loe an pen am̧ kōnono ippān ro jet—bōlen ewōr juon armej ekar kōmetak eok ak bōlen epen am̧ kōnono ak jeļā kajeen bar juon armej. Ilo iien kein, kajjieon̄ keememej iakwe eo kwaar en̄jake jān ro m̧ōttam̧, baam̧le eo am̧, Jemedwōj Ilan̄, im Jisōs Kraist. Keememej lan̄lōn̄ eo kwaar en̄jake ilo jekjek kein im kajjieon̄ pijaikļo̧k eļan̄n̄e ekar lōn̄ an aolep iien n̄an en̄jake kain iakwe in. Keememej bwe aolep armej rej juon leddik ak ļaddik nejin Anij im ej aikuji iakwe eo An im kwe.

Ļōmņak kōn juon armej ilo mour eo am eo ekar pen am jerbal ippān. Kakobaiki er jar ko am̧ im kajjitōk ippān Jemedwōj Ilan̄ bwen kōppeļļo̧k būruwōm̧ n̄an er. Ejjab etto kwonaaj loe er ilo wāween An loe er: āinwōt juon iaan ajri ro Nejin eo jej aikuj iakwe.

Ālkin am̧ jar, kōm̧m̧ane juon men em̧m̧an n̄an er! Bōlen karuwaineneik er n̄an juon m̧akūtkūt in ippān doon ak jam̧bo ippān ro jeram̧. Kajjitōk n̄an jipan̄ kōn juon jerbal in homework. Aaet baj ba “iakwe” im ettōn̄ dikdik n̄an er. Men ko reddik remaron̄ kōm̧m̧ane juon oktak eļap … ilo jim̧or mour ko am̧!