Naan in Katak ko an Kōra, Jānwōde 2017

Kōttōbar eo an Doulul eo an Kōrā

Kanooj jar ilo am̧ ekkatak kōn katak in im pukōt n̄an jeļā ta eo kwonaaj kwaļo̧k.

Tōmak, Baam̧le, Jipan̄

Kōttōbar eo an Doulul eo an Kōrā ro ej n̄an “kōpooje kōrā ro n̄an kōjeraam̧m̧an ko an mour indeeo,” Linda K. Burton, Būreejtōn eo an Doulul eo an Kōrā ro ej ba.¹ Ej kōn tōmak, baam̧le, im deor in jej bōk koņaad ie “m̧ōttan eo eaorōk ilo jerbal in.”²

Doulul eo an Kōrā ro “ej juon jerbal an kanniōk im jetōb,” Carole M. Stephens ekar ba, Rikakpilōklōk eo Kein Kajuon ilo Būreejtōnji eo Eutiej an Doulul eo an Kōrā ro. “En̄in ej ta eo kōrā ro rekar kōm̧m̧ane ilo raan ko an Rilo̧mo̧o̧r eo, im en̄in ej ta eo jej wōnm̧aanļo̧k im kōm̧m̧ane.”³

Ilo ad pukōt kōrā in Samaria eo ilo aebōj laļ eo, eo ekar likūt nien dān eo an im ettōr im kabun̄bun̄ ļo̧k n̄an ro jet bwe Jisōs ekar juon rikanaan (lale Jon 4:6–42), ak n̄an Phebe, eo ekar m̧ōņōņō in jerbal n̄an ro jet ilo aolepān mour eo an (lale Rom 16:1–2), jemaron̄ loe waanjon̄ak ko an kōrā rein ilo raan ko an Rilo̧mo̧o̧r eo ro rekar nikinik ilo itok n̄an Kraist. Ej E eo ej kōppeļļo̧k iaļ eo ad n̄an mour indeeo (lale Joh 3:16).

Ilo ad kalimjek sister ro ad im rej paineer ro ilo Nauvoo, Illinois, ro rekar kuktok ippān doon ilo m̧weo imōn Sarah Kimball ilo 1842 n̄an ejaake doulul eo aer make, jej lo karōk eo an Anij n̄an bōktok Doulul eo an Kōrā ro ilo aer pād im jokun wōt juon ippān priesthood eo. Ālkin an Eliza R. Snow je juon jemān āe, Rikanaan Josep Smith ekar etale. Ekar kile bwe Kabun̄ in ekar jab lukkuun koņ m̧ae iien kōrā ro rekar ejaak. Ekar ba bwe Irooj ekar errā kōn kajjitōk eo aer ak ekar wōr juon men em̧m̧anļo̧k. “Inaaj ejaake kōrā ro ium̧win priesthood eo ālkin jon̄ak eo an priesthood eo,” ekar ba.⁴

“Doulul eo an Kōrā ro ekar jab baj juon kurub in kōrā ro rej kajjieon̄ kōm̧m̧an em̧m̧an ilo laļ in. Ekar oktak. Ekar ‘juon men em̧m̧anļo̧k’ kōnke ekar ejaak ium̧win mālim eo an priesthood eo. Ejaak eo an ekar menin aikuj ilo kōppeļļo̧k jerbal ko an Anij ioon laļ in.”⁵

Bar jet Eoon ko im Meļeļe ko

Katak im Bujen ko 25:2–3, 10; 88:73; reliefsociety.lds.org

© 2017 jān Intellectual Reserve, Inc. Aolep jim̧we rej pād ippān. Jeje ilo USA. Kōmālim ilo kajin English: 6/16. Kōmālim an ukook: 6/16. Ukook eo an Visiting Teaching Message, January 2017. Marshallese. 97921 874

Kakeememej ko

1. Linda K. Burton, in Sarah Jane Weaver, “Relief Society Celebrates Birthday and More March 17,” Church News, Mar. 13, 2015, news.lds.org.

2. Linda K. Burton, in Weaver, “Relief Society Celebrates Birthday.”

3. Carole M. Stephens, in Weaver, “Relief Society Celebrates Birthday.”

4. Josep Smith, ilo Daughters in My Kingdom: The History and Work of Relief Society (2011), 11–12.

5. Daughters in My Kingdom, 16.

Ļōmņak kōn Menin

Ewi wāween an Doulul eo an Kōrā ro jipan̄ kōrā ro kakūrm̧ool eddo eo ekwojarjar an Jemedwōj Ilan̄ n̄an er im tōl er n̄an mour indeeo.