iTabagone
Au Sa Navuca Oti Tu
E vakaitikotiko mai Utah, Amerika, o koya e vola.
Au a ciqoma ena dua na gauna e dua na lesoni momona ena kalasi ni Goneyalewa me baleta na bula savasava ni veiyacovi—na ulutaga ka vakavuna vei ira na itabagone mera veilecayaki ena nodra idabedabe. Au sega ni nanuma kece sara na veika au a vulica ena siga oya, ia au nanuma rawa ni tukuna tiko na noqu iliuliu me baleta e dua na nona ivakatagedegede—me dau bula savasava tikoga ena veiyacovi. A dei toka vei au na nona vosa, kau mani cakava e dua na vakatulewa matau meu sa taurivaka me dua na noqu yavunilewa vakaiau.
Dua na siga niu vodo basi voli ki vale mai na dua na soqo ni qito, a tekivuna e dua na qito ni dina se bolea e dua na tamata ena basi. Niu oca tu, au a oka kina kei na so tale na gone. Ni sa donui au mai, au a bolei ni cakava e dua na ka kau kila ni a sega ni dodonu. Oqo sa rawa ni dua na vakatulewa dredre vei au meu cakava, ia au a nanuma na vosa ni noqu iliuliu ni Goneyalewa, ka sa rawarawa na digidigi. Au a vakanadakuya kusarawa. Au sa vakasamataka oti tu na ka au na cakava ena ituvaki vakaoya.
Au kila ni gauna eda lako kina ki lotu ka tugana na veika eda sa vulica mai kina, eda na vakalougatataki ena kaukauwa vakayalo levu sara kei na veitaqomaki mai na veitemaki ni vuravura.