Lamharon
Nakadesisyon Na Ako
Ang tagsulat nagaistar sa Utah, Estados Unidos sang Amerika.
Nakabaton ako sadto sang isa ka importante nga leksyon sa isa ka klase sa Young Women parte sa sekswal nga kaputli—isa ka topiko nga nagpaaliwasa sang madamo nga mga lamharon sa ila mga pulungkuan. Indi ko madumduman ang tanan nga natun-an ko sadto nga adlaw, pero madumduman ko ang akon lider nga nagahambal parte sa isa sang iya mga personal nga pagsulundan—nga magpabilin pirme nga sekswal nga maputli. Ang iya mga pulong nagpabilin sa akon, kag dayon nagdesisyon ako sing hungud sa buot nga himuon ini nga isa sang akon kaugalingon nga personal nga mga prinsipyo.
Isa ka adlaw sang nagasakay ako sa bus pauli halin sa isa ka kahiwatan sa hinampang, may isa ka pasahero nga nagsugod sang isa ka hampang sang truth or dare [mag-ako ukon maghimo]. Kay natak-an, ang pila sang iban nga mga kabataan kag ako nag-entra. Sang nag-abot ang akon turno, ginhangkat ako nga himuon ang isa ka butang nga nahibaloan ko nga indi husto. Mabudlay kuntani ini nga desisyon para sa akon, pero ang mga pulong sang akon lider sa Young Women nagsulod sa akon hunahuna, kag ang pagpili nangin mahapos. Madasig ako nga nagpamalibad. Nahuman ko na sa akon hunahuna kon ano ang akon himuon sa sina nga sitwasyon.
Nakahibalo ako nga kon magsimba kita kag maghatag sang lugar para sa mga butang nga ginatudlo dira, bugayan kita sang daku nga espirituhanon nga kabakod kag proteksyon gikan sa mga tentasyon sang kalibutan.