Agtutubo
Naikeddengkon
Agnaed ti nagsurat iti Utah, USA.
Naminsan a nakaawatak iti napateg a leksion iti klase ti Young Women maipapan ti kinadalus iti seks—maysa a topiko a napateg unay kadagiti agtutubo tapno tumipkelda kadagiti tugawda. Diak malagip ti amin a naadalko iti dayta nga aldaw, ngem nalagipko ti liderko nga agsarsarita maipapan ti maysa kadagiti bukodna a pagrukodan—a kanayon nga agtalinaed a nadalus iti seks. Nagtalinaed kaniak dagiti balikasna, ket kalpasanna napasnek nga inkeddengko ti mangpadur-as iti daytoy kas maysa kadagiti bukodko a personal nga ik-ikkan pateg.
Maysa nga aldaw bayat ti panagluganko iti bus nga agawid manipud iti paay-ayam, maysa a tao iti bus ti nangirugi iti maysa nga ay-ayam maipapan iti kinapudno wenno karit. Nakipagay-ayamak ken ti sumagmamano kadagiti dadduma pay nga ubbing. Idi siak ti mabatangan, nakaritak nga agaramid iti maysa a banag nga ammok a saan nga umno. Nalabit a narigat a pangngeddeng daytoy tapno aramidek, ngem napanunotko dagiti balikas ti liderko iti Young Women, ken nalaka nga aramidek ti pili. Madagdagus a nagkedkedak. Nakaikeddengakon no ania ti aramidek iti dayta a situasion.
Ammok a no mapantayo iti simbaan ket italimengtayo dagiti banag a nasursurotayo idiay, mabendisionantayo iti ad-adu pay a naespirituan a pigsa ken salaknib manipud kadagiti pannulisog ti lubong.