Lamharon

Pag-alagad sa Iban nga May Pagtuo

Si Pangulong Uchtdorf nagahambal sa aton nga ang aton pagtuo sa Dios kinahanglan gid nga “maupdan sang aksyon.” Kon ang aton pagtuo “ginaupdan sang tayuyon nga aksyon,” paathag niya, ini “magapuno … sang kalag sang kalinong kag paghigugma.” Upod ang pangako sining bugay, sarang kita magtuga sang kinalain, kag makita naton ini sa aton mga kabuhi kon hatagan naton sang tiyempo ang pag-alagad-nga-may pagtuo. Sarang kita magpangamuyo tagsa ka aga agud mangayo sa Ginuo sang bulig sa pag-alagad sa iban. Halimbawa, pangabaya Sia nga ipakita sa inyo kon nagakinahanglan sang bulig ang isa ka utod sa isa ka ulubrahon sa balay ukon nagakinahanglan sang pagdayaw ang isa ka abyan. Dayon, kon makabaton kamo sang pagpabatyag, aksyuni ini! Kon himuon ninyo nga pagginawi ining pagpangamuyo kag pag-alagad, ang inyo matinuohon, kag tayuyon nga aksyon magabugay sang inyo kabuhi kag sang kabuhi sang iban. Si Pangulong Uchtdorf nagapangako nga kamo “sarang magbag-o sang mga indibidwal, mga pamilya, mga pungsod, kag sang kalibutan.”