Agtutubo

Panagserbi kadagiti Dadduma iti Pammati

Ibaga kadatayo ni Presidente Uchtdorf a ti pammatitayo iti Dios nasken a “mabuyogan iti aramid.” No ti pammatitayo ket “mabuyogan iti agtultuloy nga aramid,” ilawlawagna, daytoy ti “mangpunno … iti kararua iti talna ken ayat.” Ti kaadda ti kari daytoy a bendision, kabaelantayo ti agaramid iti pagdumaan, ket makitatayo daytoy iti biagtayo no ikkantayo ti panawen ti panagaramid iti serbisio a napnuan iti pammati. Makapagkararagkayo iti tunggal bigat tapno agkiddaw iti Apo iti tulong iti panagserbi iti dadduma. Kas pagarigan, idawatyo Kenkuana nga ipakitana kadakayo no kaano nga agkasapulan ti maysa a kabsat iti tulong iti trabaho iti balay wenno no agkasapulan ti maysa a gayyem iti pammadayaw. Kalpasanna, no maawatyo ti parikna, agtignay iti daytoy! No ugalienyo dagiti kastoy a panagkararag ken daytoy a serbisio, ditan a ti napammatian, agtultuloy a tignayyo ket mangbendisionto iti biagyo ken iti biag dagiti dadduma. Ikari ni Presidente Uchtdorf a “kabaelanyo ti mangbalbaliw iti tunggal tao, pamilia, nasion, ken ti lubong.”