Ngeasek

Mesiou er a Rebebil loba Klaumerang

A President Uchtdorf ouchais er kid el kmo a klaumera er kid er a Dios a kirel mocholt “lokiu a omerelled.” Sel sekum a klaumerang a “rrengodel lobengkel a blechebech lomeruul,” ngii a smodii, e ng “mekeek … a reng loba budech me a beltik el reng.” Tiaikid el bla el yaksok er ngii el klengeltengat, e ng sebeched el mo uchul a ngeldechel, e dirrek el sebeched el mesang er a chelsel a klengar kid alsekum e kede chemoit a temed el mesiou loba mui el klaumerang. Ng sebechem el mo ngara nglunguuch er a bek el tutau lolengit a ngeso er a Rubak el kirel omesiou el mo er a rebebil. Okesiul tiang, molengit er Ngii me lochotii er kau el kmo ng techa el chedal a telungalek ousbech a ngeso er a urerel malechub a sechelim el ousbech a ungil cheldecheduch. E sola, sel om nguu a nger, e motireklii el rulii! Omko ng mo kse er kau el meluluuch e mesiou el uaisei, e a klaumera er kau, me a blak el reng er kau a mo klengeltengat el mei er a klengar kau me a klengar er a rebebil. A President Uchtdorf a yaksok el kmo kau a “sebechem el mult a klengar er a dersta el chad, telungalek, beluu, me a beluulechad.”