Serafo
Emon Misineri ese wor an Esisinen Misineri
Ren ai we sukun a wor emon nei sense nikinikin nge ussun epwe eniokusu emon an epwe porous won ew mettoch mi osokurun pwan och mettoch. Ew ran a wor ach ewe itenap ren misineri ren Fansoun Soponon. Ngang mi sinei pwe ngang mi tongeni ponueni an kewe kapas eis, nge uwa mefi pwe usap. Uwa chok apasa met mi naf an epwe emenemenochu i ren ewe fansoun.
Ren ekkewe wik mwirin use tongeni kouno ne ekieki ussun am kewe aporous. Iwe, ew ekiek a toriei pwe upwe ngeni ew Puken Mormon fiti ekkoch wokisin mi esisin ussun porousen angangen misineri. Ewe ekiek a eniuokusuwei, nge a chok soposopono. Uwa sinei pwe ew memef pwe upwe fiti.
Ina epwe ruu maram mwirin, ua amonata ewe Puken Mormon. Unusen ewe ran uwa mefi ussun nge ewe puk a keni ew pwang non ai we chota. Ewe unungat seken a ngeniei ai upwe ngeni ewe puk nupwen uwa no ren ewe asoson winter ina ewe fansoun a fokkun eniuokus non manawei.
Non ewe aewin ranin niwinssefan, uwa pasini an ewe rumen osukun nge nuokus ai upwe tonong non. Mwirin uwa rong an koriei, o a ngeniei echo cart. Uwa anneani non ewe nenien fetan. A makkei pwe a fen kaeo “ren ukukun tamen” ekkewe auchean porous uwa esisinna me a poputa ne kuna ekkoch popun ai nuku.
Uwa pwapwa ai afanafana ewe kapas allim iei, me a fen napeno ai pwapwa ai upwe angang ngeni Semei won Nang mwitir chok upwene no fori angangen misineri.