Poraus seni Fefn Chon Amwa, June 2017
Manamanen Pristut ren Aponueta Angangen Annuk Mi Pin
Anneani ekkei puk fiti iotek me kutta om kopwe sinei met kopwe aporausa. Ifa ussun om kopwe weweiti ewe auchean popun Fin Anisi epwe amonata noun Kot nengin ren ekkewe feiochun manau esemuch?
Nuku, Famini, Aninis
“Ai porous ngeni … meinisin pwe sia tongeni manau iteiten kunok inamo ika met ach osukosuk sia tongeni feioch ren ewe pochokunen manamanen ewe pristut,” Elter Neil L. Andersen seni ewe Mwichen Engon me Ruemon Aposel a apasa.
“… L. Andersen Nupwen kopwe nimenimoch ne pachenong non ekkewe annukun ewe pristut, ewe Samon epwe ngonuk wachimuken pochokun, kinamwe, me anen om kopwe ekieki feinfeino. Ika met osukosuken nonnomum, imwom ewe epwe ‘feioch ren ewe pochokunen manamanen ewe pristut.’”1
Ifa ussun ach tingor manamanen pristut ngeni non manawach? Elter M. Russell Ballard seni ewe Mwichen Engon me Ruemon Aposel a achema ngenikich pwe “ekkewe ra tonong non ewe konikin papatais o mwirin angei ar niffang mi pin non ewe imwen ewe Samon ra fich ngeni ekkewe wachumuken feioch mi murinno. Ewe niffang mi pin ew niffang mi manaman … [me] Samach Kot non Nang a kirekiroch ren An manaman.” A achema ngenikich pwe mwan me fefin “ir mi angei ewe niffang mi pin ren ewe manaman mi chok nonno fengen” non ewe tempel, “minne a wewen ewe manamanen pristut.” 2
Linda K. Burton, Presetenin Fin Anisi Unus, a apasa: “Pokiten manamanen pristut ew mettoch sia mochen an epwe wor non ach famini me imwach, met kich sipwe fori ach sipwe tingor manamanen ewe pristut an epwe wor ngeni non manawach? Ach pwisin wenechar mi auchea epwe wor rech manamanen pristut.”3
“Ika sipwe etekisona inisich me mwen ewe Samon me tingor ngeni an epwe aitikich, I epwe pwar ngenikich ifa ussun ach sipwe anapano achsipwe tongeni aeaAn ewe manaman,” President Russell M. Nelson, Presetenin ewe Mwichen Engon me Ruemon Apasel a apasa.4
Pwan ekkoch Wokisin me Porous
1 Nifai 14:14; Doctrine and Covenants 121:36; 132:20;reliefsociety.lds.org
© 2017 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/16. Kapungunon awewen: 6/16. Awewen Visiting Teaching Message, June 2017. Chuukese. 12872 901