Mbabun
Asɛmpasomafo a onnyi Dzin Krataa-sin
Mowɔ kyerɛkyerɛnyi bi wɔ skuul a ɔwɔ su bi a annhwɛ obohunahuna obi ma ɔnnkyɛ adwen nsusui bi ɔnye nedze bɔ ebira. Da kor bi yɛbaa Latter-day Saintfo asɛmpasomafo nsɛngyinado do. Nna minyim dɛ mubotum eyi ne nsɛmbisa no ano, mbom menyaa atsenkã bi dɛ mma minnyɛ. Ntsi mekã kakra a ɔbɛmee no ara.
Adapɛn ebien no a odzi do no, nna munntum nngyaa dɛ monnkɔdwen hɛn nkɔmbɔdzi no ho. Ewiei no, minyaa adwen bi dɛ ɔsɛ dɛ mema no Mormon Nwoma a makekã kasasin horow a ɔfa asɛmpasomafo edwuma ho ma wɔada edzi. Adwen no bɔɔ me hu, mbom ɔwɔɔw do. Nna minyim dɛ ɔyɛ nkenyan a ɔwɔ dɛ midzi do.
Bɛyɛ abosoom ebien ekyir no, nna mayɛ Mormon Nwoma no krado. Da ne nyina mu no nna metse dɛ nwoma no rehyew tokur wɔ mo kotoku a ɔsen m’ekyir no mu. Mber kumabaa a onndu sima kor mpo a mohwerii dze maa no ansaana yɛrokɔ awɔwber akwanma no, yɛ m’abrabɔ ber a hu kɛse akã me.
Da no odzi kan no yɛsanee baa no, motwaa mu wɔ n’adzesũabea enyim a musuroi dɛ mobɔkɔ mu. Nkyii metsee dɛ ɔrefrɛ me, na ɔmaa me krataa sin bi. Mekanee wɔ asado kwan no do. Ɔkyerɛwee dɛ oesũa nkyekyɛmu horow no a mekekãa mu no “ara yie,” na afei ɔahyɛ ase ruhu siantsir horow binom ɔtaa mo som no ekyir.
Afei merekyɛ asɛmpa no a menya enyigye, na ɔyɛ me enyigye kɛse mpo dɛ ɔnnkɛkyɛr na makɔ asɛmpakã akɔsom mo Ɔsor Egya.