Visiting Teaching Amandzɛɛbɔ, Obiradzi 2017
Asɔfodzi Tum a wodua Ahyɛmudzi ne Nsiei do
Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Yɛretse Relief Society no botae ase no besi dɛn esiesie Nyankopɔn mbabaa no ama onnyiewiei nkwa ho nhyira?
Gyedzi, Ebusua, Mboa
Elder Neil L Anderson a ɔkã Asomafo Duebien no hɔn Quorum ho no akã dɛ, “M’asɛm a ɔkɔ … obiara hɔ nye dɛ yebotum atsena ase dɔhwer kor biara a ‘mbrɛ hɛn gyinabew tse biara no, ma asɔfodzi mu tum ahoɔdzen no ehyira hɛn.”
“… Ber a edze woho hyɛ asɔfodzi ho ayɛdze emudzi mu no, Ewuradze bɛma wo ahoɔdzen, asomdwee mbordo, na onnyiewiei nhumu. Mbrɛ wo gyinabew tse biara no, asɔfodzi mu tum ahoɔdzen no behyira wo fie.”1
Asɔfodzi mu tum no yesi dɛn to nsa frɛ ba hɛn abrabɔ mu? Elder M. Russel Ballard a ɔkã Asomafo Duebien no hɔn Quorum ho no akaa hɛn dɛ, “hɔn a woesian enuma nsubura no mu na ekyir no so wɔagye hɔn endowment wɔ Ewuradze fie no, nhyira nwanwa kɛse dzi wɔ hɔn. Endowment no ara nye tum akyɛdze … [na] ayamuyie mu ara hɛn Egya a ɔwɔ Sor dze No tum kyɛ hɛn.” Ɔkaa hɛn dɛ mbanyin na mbaa no “tum kor noara na wɔdze hyira hɔn beenu no nyina” wɔ temple mu “a n’asekyerɛ nye asɔfodzi tum no.”2
Linda K. Burton, Wiadze Mfɛndzanan Relief Society President no see dɛ: Osiandɛ asɔfodzi tum no yɛ adze bi a hɛn nyina yɛpɛ dɛ yenya no wɔ hɛn ebusua ebusua mu nye hɛn efiefi mu no, ebɛnadze na yehia dɛ yɛyɛ dze to nsa frɛ dɛm tum no ba hɛn abrabɔ mu? Ankorankor tseneneeyɛ hia tsitsir ama yeenya asɔfodzi tum no.”3
President Russel M. Nelson a ɔyɛ Asomafo Duebien no hɔn President no ase dɛ: “Sɛ ahobrɛadze mu ara yɛkotow famu wɔ Ewuradze enyim na yebisa No dɛ Ɔnkyerɛkyerɛ hɛn a, Ɔbɛkyerɛ hɛn mbrɛ No tum no yebenya ho kwan mbordo.4
Kyerɛwsɛm a Ɔkã ho
1 Nephi 14:14; Nkyerɛkyerɛ na Ahyɛmudzi 121:36; 132:20; reliefsociety.lds.org
© 2017 by Intellectual Reserve, Inc. Wɔakora do tumdzi nyina. USA na wotsintsimii. English approval: 6/16. Translation approval: 6/16. Visiting Teaching Message, June 2017. ne nkyerɛasee Fante 97926 502