Ngeasek
Misionari el diak a Llechukl el Ngklel bereked er a bilel
Ngarngii a sensei er a ngak er a skuul el kuk kora ngodech a blekerdelel el sebechel kora mektektii a chad lomtok er a uldesuel me a lolekoi er ngii el tekoi. A ta er a klebesei e a ki milsaod er a remisionari er a Uriul-klebesei el Santo. Ak mle medengei el sebechek longer a keril, e ng di a kulmelchesiu el diak kulekoi a ngerang. Me a kora di dilung a sesei el kora di dmedesii a uldesuel.
Aikel sandei el mirael mei e a kmal di ulemdasou er a tial cheldechedemam. Ak mocha, omdasu el kmo ng bai kirek el msang a hong er ngii er a Babier er a Mormon el blak luches a bebil er a bades el kirel a ureor er a klemisionari. Tia el uldasou a milktektak, e ng di ng millemolem el ngara uldesuek. Ak mledengei el kmo ng uldasou el kirek el otireklii.
Eru el buil ruriul, e ak ngiluu a hong er a Babier er a Mormon. Ng tal sils el tial hong a kmal diuaia lolul er tia el bakpak er a ngak er a skuul. Sel kedeb el taem el kuldersii tia el hong el mo er ngii e kurael le ng mocha ulengull a skuul a meral mle kdekudel el taem er a klengar ngak.
Sera kot el sils er a sisebel a skuul, me kurael lengelakl er a klas er ngii e ak mle medakt el mo tmuu er a chelsel. Ak rirngesii loleker ngak, e milskak a kard. Ak milnguiu er ngii er a omerollek. Ng milluches el kmo ng mla “kemanget” el menguiu aikel bades el ngak a liluches, e omechela mes a bebil er a moktek er a klechelid er ngak.
Ng rirelak el mo semeriar er a chelechang el omerk er a ebangkelio, e dirrek el kmal semeriar el mesiou er a Demak er a Babeluades er a chelecha el kngara mision.